ගාල්ලේ සහායත් මහින්දට

ඉදිරි පළාත් පාලන මැතිවරණයේදී ගාල්ල දිස්ත්‍රික්කයේ  හිටපු පළාත් පාලන නියෝජිතයන් 152 දෙනාගෙන් 130 දෙනෙකු පමණ ස්ථිර වශයෙන්ම ශ්‍රී ලංකා නිදහස් පක්ෂයෙන් තරග නොකරන බව ගාල්ල දිස්ත්‍රික් පළාත් පාලන මන්ත්‍රී සංසදයේ කැඳවුම්කරු අක්මීමණ ප්‍රාදේශීය සභාවේ හිටපු සන්ධාන මන්ත්‍රී සේන කළහේවත්ත මහතා පැවසීය.

ගාල්ල දිස්ත්‍රික්කයේ හිටපු පළාත් පාලන මන්ත්‍රීවරුන්ගේ සහභාගීත්වයෙන් ගාල්ල, කච්චුවත්ත විහාරස්ථානයේ පැවති මාධ්‍ය හමුවකදී හෙතෙම මේ බව සඳහන් කළේය.

එහිදී තවදුරටත් අදහස් දැක්වූ කළහේවත්ත මහතා,

"ශ්‍රී ලංකා නිදහස් පක්ෂය කියන්නේ ඩාලි පාරේ තියෙන පක්ෂ බෝඩ් ලෑල්ල නෙවෙයි. යහපාලන ආණ්ඩුවෙ ඇමති ධුරගත් අපේ ඇමතිවරු සංවර්ධන කටයුතු සඳහා මුදල් ප්‍රතිපාදන ලබාදෙන බව කියමින් අපේ හිටපු පළාත් පාලන නියෝජිතයන් ඔවුන්ගේ මතයට නම්මවා ගැනීමට කටයුතු කරනවා. ඒත් හිටපු පළාත් පාලන මන්ත්‍රීවරුන්ගේ බහුතරයක් ඉන්නේ මහින්ද රාජපක්ෂ හිටපු ජනාධිපතිතුමා සමගයි."  යැයි පැවසීය.

හිනිදුම රවීන්ද්‍ර ශ්‍රීලාල්