ගම්මන්පිලගෙන් වරාය ගැන හෙලිදරව්වක්

හම්බන්තොට වරාය චීනයට විකිණීමේ ගිවිසුම දේශප්‍රේමී නිලධාරීන් මාර්ගයෙන් තමා වෙත ලැබී ඇතැයි පිවිතුරු හෙළ උරුමයේ ප්‍රධාන ලේකම් පාර්ලිමේන්තු මන්ත්‍රී උදය ගම්මන්පිල මහතා අද (06දා) පැවසීය.

පිටු 74කින් සමන්විත මෙම ගිවිසුමට අනුව ඉදිකිරීම් පිරිවැයෙන් 80%ක් පමණක් චීනය විසින් ශ්‍රී ලංකාවට ලබාදෙන බවත්, ඉඩම් සඳහා කිසිදු මුදලක් ලබානොදෙන බවට එහි සඳහන් වන බවත් මන්ත්‍රීවරයා සඳහන් කළේය.

මේ ආකාරයට හම්බන්තොට වරාය සහිත භූමිය චීනයට ලබාදීම සඳහා ආණ්ඩුවේ කිසියම් අයෙකු කොමිස් ලෙස රුපියල් ට්‍රිලියන 1.4ක මුදලක් ලබාගෙන ඇතැයිද හෙතෙම පවසා සිටියේ, පුස්තකාල ප්‍රලේඛන සේවා මණ්ඩලයේ පැවැති ප්‍රවෘත්ති සාකච්ඡාවකට එක්වෙමිනි.