ගම්පොළදී තරුණයෙක් පැහැරගනියි

මෝටර් රථයකින් පැමිණි පිරිසක් අද  (11දා) දහවල් ගම්පොළ පුස්සැල්ලාව නගරයේ සිටි දහඅට හැවිරිදි තරුණයෙකුට පහරදී පැහැරගෙන ගියැයි පොලිස් හදිසි ඇමතුම් අංශයට ලැබුණු ඇමතුමකට අනුව එම තරුණයා සොයා පොලිස් ස්ථාන 03 ක් හරහා පරීක්ෂණ ආරම්භ කර ඇත.

පැහැරගත් තරුණයා සමග එම මෝටර් රථය නුවරඑළිය ප්‍රදේශයට පළාගිය බවට ලැබුණු තොරතුරු අනුව කොත්මලේ පොලීසිය හා පුස්සැල්ලාව පොලීසිය එක්ව මාර්ග බාධක දමා රථවාහන පරීක්ෂාවට ලක්කිරීමට පියවර ගෙන ඇත.

මීට අමතරව ගම්පොළ පොලීසියේ සහායද එම කටයුතුවලට ලබාගෙන ඇති අතර, පරීක්ෂණ දිගටම සිදුකරමින් පවතී.

පැහැරගෙන ගිය බව සඳහන් රථවාහනයේ අංකයක් පුස්සැල්ලාව පොලීසියට ලැබී ඇතත්, එම වාහන අංකය යතුරුපැදියකට අයත් එකක් බව පොලීසිය සොයාගෙන ඇත