කොළඹට හෙට පෙ.ව 09.00 සිට පැය 18ක් ජලය නෑ

කොළඹ හා අවට ප්‍රදේශවලට ජලය සපයන නල පද්ධතියේ සිදුකරන නඩත්තු කටයුත්තක් හේතුවෙන් හෙට (04 දා) පැය 18ක කාලයක් ජල සැපයුම අත්හිටුවීමට සිදුවන බව ජාතික ජලසම්පාදන මණ්ඩලය සඳහන් කරයි.

ඒ අනුව හෙට පෙරවරු 09.00 සිට පසුදා අලුයම 03.00 දක්වා කාලයක් ජලසැපයුම අත්හිටුවීමට සිදුවන බව එම පවසයි.

මේ හේතුවෙන් අදාළ කාලසීමාව තුළ බේස්ලයින් පාරේ කැලණිය පාලම අසල සිට දෙමටගොඩ හන්දිය දක්වා හා ඊට සම්බන්ධිත සියළුම අතුරුමාර්ග, කොස්ගස් හංදිය, ග්‍රෑන්ඩ්පාස්, මහවත්ත හා තොටළඟ යන ප්‍රදේශ ආශ්‍රිතව ජලසැපයුම අත්හිටුවන බව එම මණ්ඩලය වැඩිදුරටත් දන්වා සිටියි.