කොළඹ මීගමු මාර්ගයේ කොටසක් වැසෙයි

පෑලියගොඩ නවලෝක වටරවුමේ සිට පෑලියගොඩ මත්ස්‍ය වෙළඳපොළ දක්වා මීගමු පාර කි‍්‍රලෝ මීටර් 2 ක පමණ දුරක් කාපට් ඇතිරිම හේතුවෙන් එම මාර්ගයේ වාහන ගමනා ගමනය අද (01දා) සිට දින හතරක් සිමාකරන බව පොලිස් මූලස්ථානය පවසයි. 

01 එහෙයින් මීගමුව සිට නවලෝක වටරවුම හරහා කොළඹ දක්වා ගමන් කරන වාහන මීගමු මාර්ගයේ පෑලියගොඩ මත්ස්‍ය වෙළඳසැල අසලින් අධිවේගී මාර්ගයට ඇතුළු වි කොළඹ ගමන් කළ හැකි බවත්,

02 කොළඹ සිට නවලෝක වටරවුම හරහා මීගමුව දෙසට ගමන් ගන්නා වාහන කැළණි පාලම ඔස්සේ අධිෙවිගි මාර්ගයට ඇතුළු වි මීගමුපාරේ අධිවේගී පිවිසුමෙන් නැවතත් මීගමු මාර්ගයට පැමිණිය හැක බවත්,

03 අධිවේගී මාර්ගයට ඇතුළුවිමට අවසර නොදෙන ති‍්‍රවිල්, යතුරුපැදි, පාපැදි හා ට‍්‍රැක්ටර් සඳහා සහ මාර්ගයේ දෙපස පදිංචිකරුවන්ට සහ මගී ප‍්‍රවාහන බස්රථ සඳහා සුපුරුදු පරිදි මීගමු මාර්ගයේ එක් මංතීරුවක් භාවිත කිරීමේ හැකියාව ඇති බවත්, පොලීසිය කියයි.

එසේම අළුත්වැඩියා කටයුතු කරන කාලය වන පස්වරු 07.00 සිට අලුයම 05.00 දක්වා සමිපූර්ණයෙන්ම වසා තැබිමට කටයුතු කරන බවත් පොලිසිය පවසයි.