කොළඹ මාර්ග කීපයක් 29 දක්වා තාවකාලිකව වැසෙයි

කේ.සිරිල්.සී. පෙරේරා මාවත 06 පටුමග හන්දියේ සිට සුගතදාස ක්‍රීඩාංගණයේ මැටිපාර්ක් හන්දිය දක්වා මාර්ගයේ ජලනළ එළීමේ කටයුතු සිදුකිරීම හේතුවෙන් අද (26දා) රාත්‍රී 09.00 සිට ලබන 29 වැනිදා උදෑසන 05.00 දක්වා කාලය තුළ තාවකාලිකව වසා තැබෙන බව පොලිස් මූලස්ථානය සඳහන් කරයි

මේ නිසා මෙම මාර්ගයේ ගමනාගමනය සීමා කිරීමට කටයුතු කරන බැවින් විකල්ප මාර්ග භාවිත කරන ලෙස පොලීසිය මහජනතාවගෙන් සහ රියදුරන්ගෙන් ඉල්ලා සිටියි.

මේ අනුව,

කොටහේන දෙස සිට කේ. සිරිල් පෙරේරා මාවත ඔස්සේ බ්ලූමැන්ඩල් දෙසට ගමන් කිරීම සඳහා පැමිණෙන රථවාහන,

කොටහේන වටරවුමෙන් වමට හරවා කොටහේන වීදියෙන් වාසල පාර ඔස්සේ කේ.සිරිල්සී. පෙරේරා මාවතට පිවිසිය හැකිය.

බ්ලූමැන්ඩල් දෙස සිට පැමිණෙන රථවාහන

බ්ලූමැන්ඩල් පටුමගින් දකුණට හරවා පරමානන්ද මාවත පන්සල හන්දියෙන් වමට හරවා සෙන් බෙනඩික් මාවත ඔස්සේ කොටහේන දෙසට පිවිසිය හැකිය.

කේ.සිරිල් සී. පෙරේරා මාවත ඔස්සේ සිරිමාවෝ බණ්ඩාරනායක මාවතට ගමන් කිරීම සඳහා පැමිණෙන වාහන,

සුගතදාස ක්‍රීඩාංගණය අසල ඇති මැටිපාර්ක් පාර ඔස්සේ සිරිමාවෝ බණ්ඩාරනායක මාවතට පිවිසිය හැකිය.

සිරිමාවෝ බණ්ඩාරනායක මාවත දෙස සිට කේ.සිරිල්සී. පෙරේරා මාවත දෙසට ගමන් කිරීම සඳහා පැමිණෙන වාහන,

ආමර් බාබර් හන්දියෙන් දකුණට හරවා කොටහේන දෙසට ගමන් කර කොටහේන වටරවුමෙන් දකුණට හරවා කොටහේන වීදියෙන් වාසල පාර ඔස්සේ කේ.සිරිල්සී. පෙරේරා මාවතට පිවිසිය හැකිය.