කොරියානු රැකියා අවස්ථා වැඩිවේ

මෙරටට ලබාදෙන රැකියා සංඛ්‍යාව වැඩි කිරීමට කොරියාව එකඟ වූ බව පළාත් සභා සහ පළාත් පාලන ඇමැති ෆයිසර් මුස්තාෆා මහතා පවසයි. ඇමැතිවරයා මේ බව පැවසුවේ පසුගියදා කොරියානු තානාපති වොන් සෑම් වෑන්ග් මහතා සමඟ අමාත්‍යාංශයේදී පැවැති සාකච්ඡාවකින් අනතුරුවයි.

පළාත් පාලන ආයතන ශක්තිමත් කිරීමට අවශ්‍ය තාක්ෂණික සහය ලබාදීමට සහ පළාත් පාලන බල ප්‍රදේශවල යටිතල පහසුකම් සංවර්ධනයට ආධාර ලබාදීමට කොරියානු තානාපතිවරයා එකඟ වී තිබේ. කොරියාව සහ ශ්‍රී ලංකාව අතර දීර්ඝ කාලයක් පැවැති ද්විපාර්ශ්වික සබඳතා තවදුරටත් වර්ධනය කැර ගැනීමටද මෙහිදී ඇමැතිවරයා සහ තානාපතිවරයා අතර සාකච්ඡා පැවැත්විණි