කොදෙව්වෝ අයර්ලන්තයට පරදිති

ලෝක කුසලාන තරගාවලියේ තවත් පෙරළිකාර ජයක් වාර්තා කිරීමට අයර්ලන්ත කණ්ඩායම අද (16දා) සමත්වුණා.

ඒ කොදෙව් කණ්ඩායම කඩුලු 4 කින් පරාජය කරමින්.

සැක්ස්ටන් ඕවල් පිටියේ පැවැති තරගයේදී මුලින්ම පන්දුවට පහරදුන් කොදෙව් කණ්ඩායම ලකුණු 304ක් රැස්කළා.

කෙසේ වෙතත් තරගයේ මුල සිටම කොදෙව්වන්ට පීඩනයක් ඇති කිරීමට අයර්ලන්ත කණ්ඩායමට හැකිවුණා.

ලකුණු 305ක ජයග්‍රාහී ඉලක්කයක් හඹාගිය අයර්ලන්ත කණ්ඩාම කඩුලු 4ක් පමණක් දැවී ඉලක්කය පසුකර ගියේ තරගය නිමාවීමට තවත් පන්දුවාර 4.1 ඉතිරිව තිබියදීය.