කේෂාප් හමුවේ කරුණු විකෘති කර පළවෙනවා - MR මාධ්‍ය ඒකකය

හිටපු ජනපති මහින්ද රාජපක්ෂ මහතා හා ශ්‍රී ලංකාවේ ඇමෙරිකානු තානාපති අතුල් කේෂාප් මහතා අතර පැවැති සාකච්ඡාවේ කරුණු විකෘති කර මාධ්‍ය ඔස්සේ ප්‍රචාරය වෙන බව හිටපු ජනපති මහින්ද රාජපක්ෂ මහතාගේ මාධ්‍ය ඒකකය නිවේදනයක් නිකුත් කරමින් කරමින් පවසයි.

එම මාධ්‍ය වාර්තා සම්බන්ධයෙන් හිටපු ජනපතිවරයාගේ මාධ්‍ය ඒකකය කිසිඳු වගකීමක් නොදරන බවද අද නිකුත් කළ නිවේදනයේ දැක්වෙයි.

ධුර කාලය නිමවා යළි ඇමෙරිකාව බලා පිටත්ව යෑමට නියමිත ඇමෙරිකානු තානාපතිවරයා හා මහින්ද රාජපක්ෂ මහතා අතර හමුව පසුගිය ඉරිදා පවත්වා තිබේ.

එම හමුවේදී සුහදව සාකච්ඡා කළ කරුණු විකෘති කර පළවෙන බවද හිටපු ජනපති මහින්ද රාජපක්ෂ මහතාගේ මාධ්‍ය ලේකම් රොහාන් වැලිවිට මහතා නිකුත් කළ නිවේදනයේ දැක්වෙයි.