කුඩා දරුවෙකුට මත්පැන් පෙවූ සැකකරු අත්අඩංගුවට

අවුරුදු 02යි, මාස 09ක් වයසැති කුඩා දරුවෙකුට මත්පැන් පෙවීමක් සිදුකර ඇති බවට සැකපිට ඔක්කම්පිටිය පහළගම ප්‍රදේශයේදී වයස අවුරුදු 33ක පුද්ගලයෙකු අත්අඩංගුවට ගෙන තිබේ.

පසුගිය 23දා සවස 5.30ට පමණ පහළගම ප්‍රදේශයේදී මෙම සැකකරු මෙම අපරාධය සිදුකර ඇති බවත්, ඔහු ඔක්කම්පිටිය ප්‍රදේශයේම පදිංචිකරුවෙකු බවත් පොලීසිය පවසයි.

මෙම අවාසනාවන්ත සිද්ධියට මුහුණදුන් කුඩා දරුවා මොණරාගල රෝහලට ඇතුලත් කර ප්‍රතිකාර සිදුකරන බවද සඳහන් වෙයි.

සැකකරු අද (25දා) වැල්ලවාර මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබූ අතර, ඔක්කම්පිටිය පොලීසිය වැඩිදුර විමර්ශන සිදුකරයි.