කිළිනොච්චියේ පාසලක මහින්දෝදය විද්‍යාගාරයක ගින්නක්

කිළිනොච්චිය, මුරුසමොට්ටෙයි මුරුගානන්දන් විදුහලේ ඉදිකර තිබූ මහින්දෝදය විද්‍යාගාරයේ පරිගණක ඒකකයේ ඇතිවූ ගින්නකින් පරිගණකවලට දැඩි හානියක් සිදුව ඇත.

පරිගණක එක්කය තුළ ඇතිවූ විදුලි කාන්දුවක් හේතුවෙන් මෙම ගින්න හටගන්න ඇතැයි සැක කෙරෙන අතර, ගින්න ඇතිවන අවස්ථාවේදී සිසුන් එහි රැඳී සිටියද එම මොහොතේම ඉවත්වීමත් හේතුවෙන් කිසිවෙකුටත් හානියක් සිදුව නොමැත.

කෙසේ වෙතත් ගින්න ඇති වූ අවස්ථාවේදීම පාසලේ කාර්යමණ්ඩලයන් හා සිසුන් එක්ව ගින්න නිවා දැමීමට කටයුතු කිරීමෙන් හානිය අවම කරගැනීමට හැකිව තිබෙන අතර, ගින්න හේතුවෙන් පරිගණක කිහිපයකට හා භාණ්ඩ කිහිපයකට අලාභ හානි සිදුව ඇත.