කැලණි ගඟට දෙදෙනෙකු බිලි

කැලණි ගඟේ ගිරිදර කපුගොඩ තොටුපළෙන් දියනෑමට ගිය පුද්ගලයන් දෙදෙනෙකු ඊයේ (20දා) දියේ ගිලීමෙන් මියගොස් ඇතැයි දොම්පේ පොලීසිය පවසයි.

මෙසේ දිය නෑම සඳහා පුද්ගලයන් කිහිපදෙනෙකු ගොස් ඇති අතර, ඉන් දෙදෙනෙකු දියේ ගිලෙනු දැක පසුව බේරාගෙන දොම්පේ රෝහලට ඇතුළත් කිරීමේදී ජීවිතක්‍ෂයට පත්ව තිබිණි.

මෙසේ ජීවිතක්‍ෂයට පත්ව ඇත්තේ 29 හා 27 හැවිරිදි හෙයියන්තුඩුව ප්‍රදේශයේ පදිංචි තරුණයන් දෙදෙනෙකි.

සිද්ධිය සම්බන්ධයෙන් දොම්පේ පොලීසිය වැඩිදුර විමර්ශන සිදුකරයි.