කල්පිටිය ප්‍රා ලේකම්ට සෙරෙප්පුවෙන් පහරදීලා

කල්පිටිය ප්‍රදේශීය ලේකම්වරයාට පහරදී රාජකාරියට බාධා කිරීම සම්බන්ධව ආයුර්වේද වෛද්‍යවරයෙකු ඊයේ (19දා) අත්අඩංගුවට ගත් බව කල්පිටිය පොලීසිය පවසයි.

මෙසේ අත්අඩංගුවට ගෙන ඇත්තේ, කල්පිටිය නගරය ආසන්නයේ ආයුර්වේද වෛද්‍ය මධ්‍යස්ථානයක් පවත්වාගෙන යන අබ්දුල් සම්දික් සේගු අබ්දුල් (අවු.53) නමැත්තෙකි.

තමන් ඊයේ (19දා) මාදම්පේ කාර්යාලයේ රාජකාරී කටයුතු කරමින් සිටියදී ඉඩම් සම්බන්ධ ගැටලුවක් සඳහා පැමිණි සැකකරු රාජකාරියට බාධාකරමින් තමන්ට පහරදුන් බව කල්පිටිය වැඩබලන ප්‍රාදේශීය ලේකම් එච්.එම්.එස්.පී. හේරත් මහතා ‍පොලීසියට පැමිණිලි කර තිබිණි. එම පැමිණිල්ලට අනුව සැකකරු අත්අඩංගුවට ගෙන තිබේ.