කල් ගතවන ළමා නඩුවලට නීතිඥ සහය 1929න්

කල් ගතවන ළමා අපයෝජන නඩු සඳහා ජාතික ළමා ආරක්ෂක අධිකාරියේ නීතීඥ සහය අවශ්‍ය නම් 1929 ශ්‍රී ලංකා ළමා දුරකථන සේවය අමතා දැනුම් දෙන ලෙස ජාතික ළමා ආරක්ෂක අධිකාරිය ඉල්ලා සිටියි.

ළමා අපයෝජන නඩු කටයුතු ප්‍රමාදවීමට විසඳුමක් ලෙස කඩිනම් යාන්ත්‍රණයක් සැකසීමට ජාතික ළමා ආරක්ෂක අධිකාරිය ක සැලසුම්වල පළමු අදියර ලෙස කල්ගත වන ළමා අපයෝජන නඩු සඳහා ජාතික ළමා ආරක්ෂක අධිකාරියේ නීතීඥ සහය නොමිලේ ලබාදීමට තීරණය කර ඇත.

ඒ අනුව එවැනි අවශ්‍යතාවයක් මතුව ඇති ඕනෑම තැනැත්තෙකුට 1929 ශ්‍රී ලංකා ළමා දුරකථන සේවය අමතා අවශ්‍ය සහයෝගය ජාතික ළමා ආරක්ෂක අධිකාරියෙන් ඉල්ලා සිටිය හැකිය.