ඔරුවක් පෙරළීමෙන් නීති සිසුවෙක් අතුරුදන්

කොළඹ විශ්ව විද්‍යාලයේ නීති පීඨයේ සිසුන් සිවු දෙනෙකු අද (09දා)කන්තලේ වෙන්ඩ්‍රාසන් වැවේ ඔරුපදිමින්  සිටියදි එම ඔරුව පෙරලිමෙන් සිදුවූ අනතුරකින් එක් සිසුවෙක් අතුරුදහන් වී ඇතැයි කන්තලේ පොලිසිය කියයි.

මෙසේ අතුරුදහන් වී ඇත්තේ කොත්මලේ පදිංචි රොහාන් චාමර (23)නැමැති සිසුවාය. ඔරු පැදීමට ගිය සිවු දෙනාගෙන් එක් අයෙකු කන්තලේ 91 පෙදෙසේ පදිංචි කරුවෙකු වන අතර සෙසු සිසුන් තිදෙනා කන්තලේ පදිංචි මිතුරාගේ  නිවසට පැමිණ මෙසේ ඔරුපැදිමට ගොස් ඇතැයි පොලිසිය කියයි.

ඔරුව පෙරලිමෙන් දෙදෙනෙකු පිනාවිත් බේරි ඇති අතර අනෙක් සිසුවා පිරිසක් විසින් බේරාගෙන ඇතැයි පොලිසිය කියයි.

නේත්‍රාංජලී අමරජීව