උතුරේ අගනගරය මාන්කුලම් ?

උතුරු පළාතේ අගනගරය ලෙස මාන්කුලම් සංවර්ධනය කිරීමේ සැලැස්මක් නාගරික සංවර්ධන අධිකාරියට ලබාදී ඇති බව මහා නගර හා බස්නාහිර සංවර්ධන අමාත්‍ය පාඨලී චම්පික රණවක මහතා ප්‍රකාශ කළේය.

ස්ථාවර නියෝග 23/2 යටතේ පාර්ලිමේන්තු මන්ත්‍රී ඩග්ලස් දේවානන්ද මහතා යොමුකළ ප්‍රශ්නයකට පිළිතුරු දෙමින් හෙතෙම මේබව පැවසීයය.

අදාළ නගර සැලසුම්  පමණක් නාගරික සංවර්ධන අධිකාරියෙන් සිදුකරන අතර, රාජ්‍ය ආයතන සහ සියලුම ආයතන සහභාගී කරගනිමින් නගරය ගොඩනැගීම සිදුකර බවත් අමාත්‍යවරයා සඳහන් කළේය.

මේසම්බන්ධයෙන් උතුරු පළාතේ දේශපාලන අධිකාරිය සහ රජයේ නිලධාරීන් සමග සම්බන්ධ කරගනිමින් සාකච්ඡාකිරීමට සැලසුම් සකස්කරන බවද රණවක මහතාපැවසීය.

උපායමාර්ගික පරිසරික අධ්‍යයනයකට අනුව නාගරික සංවර්ධන ප්‍රදේශ, ජල පෝෂක ප්‍රදේශ, පරිසර සංරක්ෂණ ප්‍රදේශ ආදිය හඳුනාගෙන ඇති බවත් ඒ අනුව සංවර්ධන කටයුතු සිදුකරන බවත් චම්පික අමාත්‍යවරයා පවසා සිටියේය.

ඒ අනුව මෙම ප්‍රදේශයේ අක්කර 36 ක පමණ  ප්‍රමාණයක් සංවර්ධනය කරන බවද මෙහිදී ප්‍රකාශ විය.