ඉතිහාසය වෙනස් කරමින් ස්පිඕන් කොප් පැමිණෙයි

දකුණු අප්‍රිකානු නාවික හමුදාවට අයත් 'ස්පිඕන්කොප්' යුද නෞකාව සුහද සංචාරයක් සඳහා එළඹෙන 12 වැනිදා කොළඹ වරායට පැමිණීමට නියමිතය.

මෙම නෞකාව ශ්‍රී ලංකාවට පැමිණීම ඓතිහාසික වශයෙන් වැදගත් අවස්ථාවක් සනිටුහන් කරන්නක් වේ. එනම්, 1994 වසරේදී දකුණු අප්‍රිකාව ප්‍රජාතාන්‍ත්‍රික රාජ්‍යයක් බවට පත්වීමෙන් පසුව එම රටට අයත් යුද නෞකාවක් ශ්‍රී ලංකාවට පැමිණෙන පළමු අවස්ථාව මෙය වීමයි.

%ස්පිඕන්කොප්^ යුද නෞකාව, ඉන්දියාවේ විශාකපට්නම්හි පැවැත්වුණු 2016 අන්තර්ජාතික නෞකා පිරික්සුමට හා ඉන්දියාව, බ්‍රසීලය හා දකුණු අප්‍රිකානු නාවික හමුදා එක්ව ඉන්දියාවේ ගෝව ප්‍රදේශයේ පැවැත්වූIBSAMAR නාවික අභ්‍යාසය සඳහා සහභාගි වීමෙන් අනතුරුව නැවත සිය රට බලා යන අවස්ථාවේදී මෙසේ කොළඹ වරායට පැමිණීමට නියමිතය.