ඇෆ්ගනිස්තානය හා ඉහල රටවල් අතර වෙනසක් නෑ

ඇෆ්ගනිස්තාන කණ්ඩායම ශ්‍රී ලංකාවට එරෙහිව හොඳින් ක්‍රීඩාකළ බවත් ඔවුන් හා ක්‍රිකට් ලේකයේ ඉදිරියෙන් සිටින කණ්ඩායම් අතර වෙනසක් නැතිබවත්, ශ්‍රී ලංකා කණ්ඩායමේ සුපිරි පිතිකරු මහේල ජයවර්ධන සඳහන් කළේය.

ලෝක කුසලාන තරගාවලියේදී ශ්‍රී ලංකාව හා ඇෆ්ගනිස්තාන කණ්ඩායම අතර තරගයේදී ශතකයක් වාර්තා කරමින් ශ්‍රි ලංකා කණ්ඩායම ජයග්‍රහණය කරා රැගෙනයාමට මහේල සමත්විය.

ඒ හේතුවෙන් ඔහු තරගයේ වීරයා සම්මානය හිමිකරගත් අතර තරගය පිළිබඳව අදහස් දක්වමින් ඔහු මෙම අදහස් දැක්විය.

එසේම තරගයේ සියලු ගෞරව ඇෆ්ගනිස්තාන කණ්ඩායමට හිමිවියයුතු බවත් මහේල සඳහන් කළේය.

"හැම ගෞරවයක්ම යා යුත්තේ ඇෆ්ගනිස්තාන කණ්ඩායමටයි. මේ අපහසු තත්ත්වයන් යටතේ ඔවුන් හොඳින් පිතිකරණයේ යෙදුණා. ඔවුන්ට තැනක් තියෙනවා. ඉහළින් ඉන්න රටවල් හා මේ අය අතරේ වෙනසක් නෑ." යනුවෙන් මහේල සඳහන් කළේය.