ඇලෝසියස්ගෙන් මුදල් ගත් මන්ත්‍රීවරු ගැලවෙන්න උපදෙස් පතති

අර්ජුන් ඇලෝසියස් මහතාගෙන් මුදල් ලබාගත් බව කියන මන්ත්‍රී පිරිසක් ජ්‍යෙෂ්ඨ දේශපාලඥයන් පිරිසක් හමුවී තමන්ට එල්ල වනු ඇතැයි කියන චෝදනාවලින් ගැලවීමට උපදෙස් ඉල්ලා ඇති බව වාර්තා වේ.

තමන්ට එවා ඇති මුදල් ලබාගත්තද ඒ මුදල් එව්වේ ඔහුට පක්ෂපාතීව කටයුතු කරන ලෙසට නොවන බව ඔවුන් ප්‍රකාශ කර ඇත. අදාළ නම් ඇති ලේඛනය ප්‍රසිද්ධියට පත් නොකරන ලෙසට ජනාධිපතිවරයාගෙන් ඉල්ලා සිටින ලෙසට ඔවුන්ට උපදෙස් ලැබී ඇතැයිද දැනගන්නට ඇත.

මෙම මුදල් ගත් බව රටට අනාවරණය වුවහොත් එය තම තමන්ගේ දේශපාලන ජීවිතයට බලවත් ප්‍රශ්නයක් වනු ඇතැයි මෙම මන්ත්‍රීවරුන්ගේ අදහස වී ඇතැයි කියති.

දයාසීලි ලියනගේ (ඉරිදා ලංකාදීප)