ඇමෙරිකානු රජය අක්‍රීය වෙයි

ඇමෙරිකානු සෙනට් මණ්ඩලය විසින් ඇමෙරිකානු රජයේ වියදම් සඳහා වන අතුරු අයවැය අනුමත නොකිරීම හේතුවෙන් එරට රජය තාක්ෂණික වශයෙන් අක්‍රීය තත්ත්වයට පත්ව ඇතැයි විදෙස් මාධ්‍ය තොරතුරු වාර්තා කරයි.

රිපබ්ලිකන් පක්ෂය ඇමෙරිකාවේ පාලක පක්ෂයට පත්වීමෙන් පසුව එරට රජය තාක්ෂණික වශයෙන් අක්‍රීය තත්ත්වයට පත්වූ පළමු අවස්ථාව ලෙසත් මෙය ඉතිහාසයට එක්වෙයි.

ඇමෙරිකානු ජනපති ඩොනල්ඩ් ට්‍රම්ප් බලයට පත්ව වසරක් ගතවන විට මෙසේ රජය අක්‍රීය තත්ත්වයට පත්වීම සුවිශේෂී වෙයි.

පාලක පක්ෂය රජය අක්‍රීය වීමේ වගකීම මේ වන විට ඩිමොක්‍රොටික් පක්ෂයට බැර කරමින් තිබේ.

ලබන මස දක්වා වන අතුරු අයවැය කොංග්‍රසය විසින් 230-197ක් ලෙස ජයග්‍රහණය කළත් සෙනට් සභාව විසින් එය 50-49ක් ලෙස පරාජයට පත්කර ඇත..

අවසන් වරට 2013 වසරේදී ඇමෙරිකානු රජය අක්‍රීය වී ඇති අතර එය දින 16ක් පුරා පැවැතී අත.