ආණ්ඩුවේ අය ආණ්ඩුවට එරෙහිනම් ඔවුන් ත්‍රස්තවාදීන්ට සම්බන්ධයි - දයාසිරි

ආණ්ඩුව තුළ හිඳිමින් ආණ්ඩුවට එරෙහිව නැගීසිටීමට කවුරුන් හෝ කටයුතු කරනවා නම් ඔවුන් රට විනාශ කරන ත්‍රස්තවාදී කණ්ඩායම් සමග සම්බන්ධතා තිබෙන පුද්ගලයන් බව වයඹ ප්‍රධාන අමාත්‍ය දයාසිරි ජයසේකර මහතා පැවසීය.

අපේක්ෂකයකු සොයාගැනීමට නොහැකිව සිටින එක්සත් ජාතික පාක්ෂිකයන්ට සිදුවන්නේ පොදු අපේක්ෂකයකු ලෙස චන්ද්‍රිකා බණ්ඩාරනායක කුමාරතුංග මහත්මිය ඉදිරිපත් වුවහොත්, ශ්‍රී ලංකා නිදහස් පක්ෂයේම අපේක්ෂකයන් දෙදෙනෙකුගෙන් එක් අයකුට මනාපය ලබාදීමට බවත් ඒ මහතා පැවසීය.

 ශ්‍රී ලංකා නිදහස් පක්ෂ මූලස්ථානයේ අද පැවති මාධ්‍ය හමුවකදී හෙතෙම මේ බව පැවසුවේය.