අස්ගිරි මහානාහිමියෝ අද දැයෙන් සමුගනිති

අපවත් වී වදාළ ස්‍යාමෝපාලි මහා නිකායේ අස්ගිරි මහා විහාර පාර්ශවයේ මහානායක අතිපූජ්‍ය ගලගම ශ‍්‍රී අත්ථදස්සී මහානාහිමියන් වහන්සේගේ ශී‍්‍ර දේහය පිළිබද ආදාහන පූජෝත්සවය අද (13) පස්වරුවේ පැවැත්වීමට නියමිතය.

පුර්ණ රාජ්‍ය ගෞරව සහිතව ආදාහන පූජෝත්සවය මහනුවර අස්ගිරිය පොලිස් කී‍්‍රඩාංගණයේදී ප.ව.2 ට පැවැත්වේ.

ආදාහන පූජෝත්සවය සිදුකරන අද දිනය ජාතික ශෝක දිනයක් ලෙසද ප‍්‍රකාශයට පත් කර ඇති අතර අද දිනයේ මහනුවර දිස්ති‍්‍රක්කයේ සියලු සුරාසැල්, මස් මාංශ අළෙවි සැල් වසා තබන ලෙසට සහ විශේෂ සංදර්ශන නොපවත්වන ලෙස රජය දන්වා සිටියි.

අස්ගිරි මහා නාහිමියන්ගේ ශී‍්‍ර දේහය මේ වනවිට තැන්පත් කර ඇත්තේ අස්ගිරි විහාරයේ පවර උපාලි හිමි අනුස්මරණ ශාලාවේ  වන අතර එහි සිට විශේෂ පෙරහරකින් ශී‍්‍ර දේහය පොලිස් කී‍්‍රඩාංගණය වෙත වැඩම කරවීමටයි කටයුතු යොදා තිබේ.