අල්ලස් ගත් තිදෙනා රිමාන්ඩ්

අල්ලසක් ගැනීමේදී අත්අඩංගුවට පත්වු රේගු නිලධාරින් තිදෙනා ලබන 30දා දක්වා රිමාන්ඩ් කිරීමට කොළඹ ප්‍රධාන මහේස්ත්‍රාත් අධිකරණය අද (16) නියෝග කළේය.  ආනයනය කළ භාණ්ඩ තොගයකට ගෙවිය යුතු රුපියල් කෝටි 150 ක රේගු ගාස්තු නිදහස් කිරීම සඳහා රුපියල් කෝටි 12.5 ක අල්ලසක් ඉල්ලී සම්බන්ධයෙන් රේගු අධිකාරී සුධීර පරාක්‍රම ජිනදාස, නියෝජ්‍ය රේගු අධ්‍යක්ෂ ජගත් ගුණතිලක සහ සහකාර රේගු අධිකාරී එම්.ඩී.යූ.ජී.පෙරේරා යන නිළධාරීන් මෙලෙස අත්අඩංගුවට පත්ව සිටිති