අන්තරයෙන් අලුත් වැඩක්

- 23 02 2017 - 09:51 - {{hitsCtrl.values.hits}} views - ඉන්දික හේවාවිතාරණ

මාලඹේ සයිටම් ආයතනය වසා දමන ලෙස ඉල්ලා සිදුකරන අරගල ක්‍රියාවලියට අනුව මේ මස 27 වැනිදා කළුපටි පැලඳ වැඩකිරීමේ දිනයක් ලෙස ප්‍රකාශයට පත්කර ගන්නා බව අන්තර් විශ්වවිද්‍යාලයීය ශිෂ්‍ය බලමණ්ඩලය සඳහන් කරයි.

මේ අනුව එදින රාජ්‍ය, අර්ධ රාජ්‍ය සහ පෞද්ගලික අංශයේ සියලුම සේවකයන් කළුපටි පැලඳ රාජකාරි කටයුතු කරන ලෙසට මේ වනවිට දැනුවත් කිරීම් සිදුකරන බවද එම ශිෂ්‍ය බලමණ්ඩලය සඳහන් කරයි.

වෛද්‍ය පීඨ ශිෂ්‍ය ක්‍රියාකාරී කමිටු හා අන්තර් විශ්වවිද්‍යාලයීය භික‍්ෂු බලමණ්ඩලය එක්ව මෙම කටයුත්ත සිදුවන බවද එම බලමණ්ඩලයේ කැඳවුම්කරු ළහිරු වීරසේකර මහතා සඳහන් කළේය.