T56 සොරකම් කළ හමුදා නිලධාරියා රඳවාගෙන ප්‍රශ්න කරයි

ශ්‍රී ලංකා කෘෂිකර්ම හා පශු සම්පත් බලකායට අයත් කරන්දෙණිය කොහිල වගුර යුධ හමුදා කදවුරේ අවි ගබඩාවෙන් සොරකම් කොට සිය නිවස ආසන්නයේ ගස් බෙනයක ටී 56 වර්ගයේ ගිනි අවිය  සගවා තැබුවේ යයි සැකපිට අත්අඩංගුවට ගත් එම යුධ හමුදා කදවුරේ සේවය  කළ යුධ හමුදා නිලධාරියා අද (12දා) පස්වරුවේ බලපිටිය අධිකරණයට ඉදිරිපත් කළ අවස්ථාවේදී ඔහු හෙට (13දා)  දක්වා රදවා  තබාගෙන ප්‍රශ්න කිරීමට බලපිටිය  වැඩබලන මහේස්තාත් සංජය කොඩිතුවක්කු මහතා කරන්දෙණිය පොලීසියට අවසර ලබා දුන්නේය.

මොහු කුරක්කන්දුව, උඩුවිල ,බටපොළ  ලිපිනයේ පදිංචි යුද හමුද සාජන් මේජර් දෙක තනතුරු දරන කරන්දෙණිය කොහිලවගුර යුධ හමුද කදවුරේ අවි ගබඩාව බාරව සිටි නිලධාරියෙකි. කරන්දෙණිය පොලීසිය විසින් සැකකාර යුධ හමුදා නිලධාරියා අධිකරණයට අද (12) ඉදිරිපත් කරන ලදි.