NPP ආණ්ඩුවක කැබිනට්ටුවට 25යි

ජාතික ජන බලවේගය හදන ආණ්ඩුවක උපරිම කැබිනට්ටුවේ සාමාජිකයන් ගණන අනිවාර්යයෙන් 25 කට සීමා කරන බවත්,මෙතුවක් කල්  පාලකයන් පොල්කටු හැන්දෙන් බෙදාගෙන ජනතාවට කන් හැන්දෙන් බෙදන න්‍යාය වෙනස් කරන බව  කළුතර හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස මහතා ඊයේ  (08දා) මතුගම  දී පැවසීය. 

ජාතික ජනබලවේගය මතුගම ආසන බල මණ්ඩල කැදවීම් අවස්ථාවට සහභාගි වෙමින් ඒ මහතා එසේ පැවසීය.

එහිදී වැඩිදුරටත් අදහස් දැක්වූ නලින්ද ජයතිස්ස මහතා .....

" අපි හදන ආණ්ඩුවක කැබිනට් මණ්ඩලය සීමා කරනවා පමණක් නොවේ  ඇමති කාර්‍ය මණ්ඩලය සීමා කර, අමාත්‍යවරයාගේ  පවුලේ කිසිම සාමාජිකයකු පත් නොකිරීමට වග බලා ගන්නා බවට සහතික වෙනවා.

ඒ වගේම ඒ පෞද්ගලික කාර්‍ය මණ්ඩලයේ අයගෙ අධ්‍යාපන සුදුසුකම් ජනතාවට දැනගැනීමට සැලැස්වීම අනිවාර්යෙන්ම නීතියක් බවට පත් කරනවා , 

දැන් රාජ්‍ය ඇමතිවරයෙකුටත් වාහන තුනක් තිබෙනවා..මොකටද වාහන තුනක් ..එයාලගේ ඔලුව ,කද අතපය වෙන වෙනම යවනවද..?  මේකට කියන්නෙ රථ ගාය මේ වාහන මේනියාව වහාම නැති කරනවා ඇමතිවරුන්ට  වී 8 වාහන අවශ්‍ය  නෑ වැඩ කරන්න පුලුවන් වාහනයක් තිබ්බානම් ප්‍රමාණවත්

 ඒ වගේම අප පත් කරන රජයක් යටතේ හිටපු ජනාධිපතිවරුන් නඩත්තු කිරීම වහාම නවත්වනවා. දැනටමත් අපි 04 දෙනෙක් නඩත්තු කරනවා..ඇයි අපි ඔවුන් නඩත්තු කරන්නේ..?  හිටපු ජනාධිපතිවරු එයාලගේ ආර්යාවන් බලා ගැනීම එයාලගේ දරුවන්ගේ  යුතුකමක් වගකීමක් ..එහෙම බැරිනම් පාර්ලිමේන්තුවට කිව්වොත් ඒකට පිං අර මුදලක් ඇති කිරීම සලකා බලන්න පුලුවන් 

 සියලුම පාර්ලිමේන්තු මන්ත්‍රීවරුන් ජනතාවට තමන්ගේ අධ්‍යාපන අධ්‍යාපන සුදුසුකම්   දැනගැනීමට සැලැස්වීම නීතියක් බවට පත් කරනවා එහෙම නැතුව මේ රට කවදාවත් හදන්න බෑ යැයි පැවසීය.  

ප්‍රේමතිලක පෙරමුණ