FB සාදයක් වටලා 34ක් අත්අඩංගුවට

පිළියන්දල මඩපාත කාමර කුලියට ලබා දෙන ස්ථානයක පවත්වාගෙන ගිය ෆේස්බුක් සාදයක් වටලා තරුණියන් හය දෙනෙක් ඇතුළු 34 දෙනෙකු අද (21) අලුයම අත්අඩංගුවට ගත් බව පිළියන්දල පොලීසිය කියයි.

එම  තරුණ තරුණියන් සමඟ  අයිස්, ගංජා  හා මත් මුද්දර ද පොලිස් භාරයට ගෙන ඇත. බස්නාහිර පළාත් බුද්ධි කොට්ඨාසයට හා කොට්ඨාස බුද්ධි ඒකකට ලද තොරතුරක් අනුව පිළියන්දල පොලීසියේ නිලධාරීන් වැටලීම සිදු කළ බව  පොලිසිය කියයි.

මුහුණු පොතේ ගිණුමක් හරහා එකිනෙකා සම්බන්ධ වී මෙම සාදය සඳහා සංවිධානය වී ඇති අතර ඇතුළුවීමේ ගාස්තු ලෙස රුපියල් පන්දහසක මුදලක් අයකර  ඇති  බවද පොලිස් විමර්ශනවලදී හෙළිවී ඇත

අත්අඩංගුවට ගත් තරුණ තරුණියන් පිළියන්දල ගල්කිස්ස මොරටුව සහ කොළඹ අවට සහ තදාසන්න ප්‍රදේශවල පදිංචිකරුවන් බව පොලීසිය කියයි.

බණ්ඩාරගම බිමල් ශ්‍යාමන්  ජයසිංහ