2025දී වෙඩි තැබීම් 82 ක්

මෙම වසරේ මේ දක්වා දිවයින පුරා වෙඩිතැබීම් 82 ක් වාර්තා වී ඇතැයි පොලිස් මූලස්ථානය කියයි. පෙරේදා (13) රාත්‍රී විනාඩි 20 ක් තුළ හංවැල්ලේ සහ මීගොඩදී වෙඩි තැබීම් දෙකක් සිදුව ඇත. මේ වන විට පුද්ගලයන් 44 දෙනෙක් මියගොස් තවත් පුද්ගලයන් 48 දෙනෙකු තුවාල ලබා ඇත.

මහා පරිමාණ මත්ද්‍රව්‍ය ජාවාරම්කරුවන් මෙන්ම සංවිධානාත්මක අපරාධකරුවන් වන බඩෝ විට අසංක, කොස් මල්ලි, දෙහිබාලේ මල්ලි, දෙහිවල සැන්ඩෝ, ගාල්ලේ විදුර, කොස්ගොඩ සුජී, ලොකු පැටි, කෙහෙල්බද්දර පත්මේ, ලලිත් කන්නන්ගර නොහොත් බස්ලලිත් නැමැත්තාගේ සමීපතමයින් හා ඝාතනයට ලක් වූ ගනේමුල්ලේ සංජීවගේ සමීපතමයින් විසින් මෙම වෙඩි තැබීම් සිදුකර ඇති බව පොලීසිය සඳහන් කරයි.