2025දී ගල් අඟුරුවලින් විදුලි විදුලි නිෂ්පාදනය ගිගාවොට් පැය 4662

මෙරට විදුලිබල නිෂ්පාදනය  ඉකුත් වර්ෂයේ (2025)  ජනවාරි මස සිට නොවැම්බර් මස දක්වා වු මාස 11ක කාලය තුලදි  ගිගාවෝටි පැය 16.327ක් වු අතර ඉන්  ගිගාවෝටි පැය 4,662ක් විදුලිබලය නිෂ්පාදනය කොට ඇත්තේ ගල් අගුරුවලින් බව  ශ්‍රිලංකා මහබැංකුව විසින් නිකුත්කොට ඇති වාර්තාවක සදහන් වේ.

කෙසේවුවද 2024 වර්ෂයේ  මුල් මාස 11ට සාපේක්ෂව 2025 වර්ෂයේ මුල්මාස 11 තුල මෙරට විදුලිබල උත්පාදනය  සියයට 6.1කින්  වැඩිවි තිබුණි. 2025 වර්ෂයේ මෙම කාලය තුල ජලය මගින් විදුලි උත්පාදනය ගිගාවෝටි පැය 5,620 කි. ද්‍රව ඉන්ධන වලින් ගිගාවොට් පැය 1,297ක් විදුලිබලය උත්පාදනය කොට තිබු අතර  සුළං බලයෙන් විදුලිබල උත්පාදනය  ගිගාවෝට් පැය  349කි. පුද්ගලික අංශය මගින්  ගිගාවෝට් පැය  4399ක් විදුලිබලය උත්පාදනය කොට තිබුණි. සාම්ප්‍රදායික නොවන පුනර්ජනනිය  බලශක්තිය මගින් ගිගාවෝට් පැය  3701ක් විදුලි බලය උත්පාදනය කොට තිබුණි.

කෙසේවුවද මෙම වර්ෂයේ පෙබරවාරි මස 26 වැනිදින මෙරට දෛනික  මුළු විදුලිබල  උත්පාදනය  ගිගාවොට් පැය 56.20ක් වු අතර ඉන් ගිගාවෝටි පැය 17.72ක විදුලිබලය උත්පාදනය කොට ඇත්තේ ගල් අගුරුවලින් බවද මහ බැංකු වාර්තාවේ සදහන්වේ. ජලය මගින් නිෂ්පාදනය කොට ඇත්තේ  ගිගාවොට් පැය 14.36ක විදුලිබල උත්පාදනයක් වන අතර තෙල් මගින්  ගිගාවෝට් පැය 11.69ක විදුලිය නිෂ්පාදනය කොට ඇත.