ශ්‍රී ලංකා චෙස් සම්මේලනය සංවිධානය කොට ඊයේ (30) පන්නිපිටිය ධර්මපාල විද්‍යාලයේදී නිමාව දුටු ශ්‍රී ලංකා යොවුන් චෙස් තරගාවලියේ වයස 19න් පහළ විවෘත චෙස් ශූරතාව අම්බලන්ගොඩ ධර්මාශෝක විද්‍යාලයේ එම්.තිසල් මංජිත් පියුමන්ත දිනා ගත්තේය.

පොලිස් අණ නොතකා අධික වේගයෙන් ගමන් ගන්නා මෝටර් රථයක දොරෙහි එල්ලී ජීවිතයත් මරණයත් අතර සටනක යෙදෙමින් සැකකරුවකු අත්අඩංගුවට ගැනීමට දැඩි උත්සාහයක යෙදුණු පොලිස් නිලධාරියකු බිමට ඇද වැටි තුවාල ලද ලබා ඇතැයි බම්බලපිටිය පොලිසිය කියයි.

ෆේස්බුක් ඇතුලු සමාජ මාධ්‍ය මගින් කාන්තාවක් සේ රඟපාමින් පිරිමි පුද්ගලයින්ගේ මුදල් කොල්ල කෑ දෙදෙනෙකු යාපනය නෙල්ලිඅඩි ප්‍රදේශයේදී අත්අඩංගුවට ගත් බවට නෙල්ලිඅඩි පොලීසිය පවසයි.

ඉන්දියාව ලොකු ලුණු අපනයනය කිරීම තහනම් කිරීමත් සමඟින් පාකිස්තානය සහ තවත් රටවල් කීපයක් මෙරටට ලොකු ලූනු තොග එවීම හේතුවෙන් රුපියල් 600 ට ඉහළ ගිය ලොකු ලුණු කිලෝව 31 දින වන විට රුපියල් 300 ත් 350 ත් අතර පහත වැටී ඇතැයි ලොකුළුණු අලෙවි කරන දඹුල්ලේ ව්‍යාපාරිකයෝ පවසති.

එළඹෙන 2024 වසර තුළ කොළඹ ආශ්‍රිතව නිවාස 10,000 ක් ඉදිකිරීමට අපේක්ෂා කරන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

නුවරඑළියේ කාලගුණික තත්ත්වය පිළිබඳව ඇතැම් සමාජ මාධ්‍ය ජාල විසින් අසත්‍ය ප්‍රචාර සිදු කරන බව නුවරඑළිය දිස්ත්‍රික් ලේකම් නන්දන ගලබොඩ මහතා පවසයි.

දෙසැම්බර් මාසයේදී මේ දක්වා සංචාරකයන් 200000 කට අධික පිරිසක් ලංකාවට පැමිණ ඇති බව සංචාරක අමාත්‍ය හරීන් ප්‍රනාන්දු මහතා පවසයි. ඒ අනුව වසර හතරක කාලයකදී එක් මාසයක් තුළ ශ්‍රී ලංකාවට පැමිණි වැඩිම සංචාරකයන් ප්‍රමාණය මේ මාසයේදී වාර්තා වූ බවද ඔහු පවසයි.

අම්පාර දිස්ත්‍රික්කයට ඇද හැලෙන ධාරානිපාත වර්ෂාව සමග ලංකාවේ විශාලතම ජලාශය වෙන සේනානායක සමුදුරේ ජල මට්ට්ම ඉහල ගොස් තිබේ.

නව වසර උදාවීමත් සමග කොළඹට විශාල ජනතාවක් ඇතුළු වෙතැයි අපේක්ෂා කිරීම හේතුවෙන් කොළඹ නගරය ආශ්‍රිතව විශේෂ රථ වාහන සැලැස්මක් ක්‍රියාත්මක කරන බව පොලිස් මූලස්ථානය පවසයි.

සිය සැමියාගේ අවමගුල් කටයුතු සිදුකළ දා රාත්‍රී බිරිඳ සිය දරුවන් තිදෙනෙකු සමග වස පානය කොට මියයාමේ පුවතක් මාලඹේ පොලිස් වසමෙන් වාර්තාවේ. මෙසේ මියගොස් ඇත්තේ හෝමාගම මාකුඹුර ලක්ෂරි හයිවේ රෙසිඩන්ස්හී තාවකාලිකව පදිංචිව සිටි උදාරි නිසංසලා සේනාරත්න මව, (35) ආදිත්‍ය ප්‍රතාප ගුණරත්න (09) ආර්යා ප්‍රතාප ගුණරත්න ( 07) අරද්‍යා ප්‍රභාවි ගුණරත්න (06) යන තිදෙනකු බව මාලඹේ පොලිසිය කියයි.

විදෙස් රැකියා ජාවාරම්කරුවෙකුට හසු වීමන් ඕමාන් රටේ කුණු ගොඩක කැඩුණු රොරියක් මත මාස හයක කාලයක් දිවි ගෙවන ශ්‍රී ලාංකික තරුණයකු පිළිබඳ තොරතුරක් වාර්තා විය.

වැට් බද්ද ඉහළ යාම හේතුවෙන් යළිත් මධ්‍යසාර මිල ඉහළ දැමීමට සිදු වන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

මහවැලි ගඟ පිටාර ගැලිමෙන් සෝමාවතී චෛත්‍යය මළුව ජලයෙන් යටව්ඇති අතර සොමාවතිය චෛත්‍යය මාර්ගය අඩි 4-5 ක් පමණ ජලයෙන් යටව් තිබේ. සෝමාවතිය චෛත්‍යය මළුව ජලයෙන් යටව්ම නිසා සංඝයා වහන්සේලා දෙවනි මහල සංඝාවාසය වැඩසිට සිරිත් පරදි චෛත්‍යයට පුජා පවත්වන බවද එහි වැඩ සිටින සංඝයා වහන්සේලා පවසති.

කැකිරාව පොලිස් වසමේ මීගස්වැව ප්‍රදේශයේදී විදේශ රටක නිෂ්පාදිත ජීව අත් බෝම්බයක් උල් පිහි අක් සහ අයිස් මත්ද්‍රව්‍ය සමග පුද්ගලයෙකු අත්අඩංගුවට ගත් බව කැකිරාව පොලිසිය පවසයි.

ජනවාරි මස පළමු වැනිදා සිට වාහන ලියාපදිංචි කිරීමේ දී, ආදායම් බලපත්‍ර ගැනීමේ දී සහ දේපොළ මිල දී ගැනීමේ දී බදු ගොනුවක් විවෘත කිරීමට ගෙන තිබූ තීරණය මසකින් පමණ කල් දැමීමට තීරණය කළ බව මුදල් රාජ්‍ය අමාත්‍ය රංජිත් සියඹලාපිටිය මහතා පැවැසීය.

වැලිගම හෝටලයක් අසළ අද අලුයම පොලිසිය හා අපරාධකරුවන් පිරිසක් අතර සිදුවූ වෙඩි හුවමාරුවකින් පොලිස් සාජන්වරයෙක් ජීවිතක්ෂයට පත්ව තුවාල ලැබූ උප පොලිස් පරීක්ෂකවරයෙක් කරාපිටිය රෝහලට ඇතුළත් කර ඇතැයි පොලීසිය කියයි.

එක්සත් අරාබි එමීර් රාජ්‍යයේ විවිධ බන්ධනාගාරවල රඳවා සිටි ශ්‍රී ලාංකිකයන් 44 දෙනෙකුට සමාව ලබාදීමට රාජකීය නියෝගයක් හරහා කටයුතු කර තිබේ.

තලවකැළේ වටගොඩ අතරදී ඊයේ උදෑසන පිළිපැනීමට ලක් වූ දුම්රිය ඊයේ 30 රාත්‍රී නවය පමණ වන විට යළි පිළිගත කිරීම අවසන් කළ බව නාවලපිටිය දුම්රිය පාලක මැදිරියේ ස්ථාන භාර නිලධාරී ධම්මික හේරත් මහතා පැවසීය.

රුපියල් දහ හත් කෝටි හැට ලක්ෂයක් (මිලියන 176.8 ක් ) වටිනා කිලෝ ග්‍රෑම් 07 යි ග්‍රෑම් 700 ක් බරැති රත්තරන් බිස්කට් 66 ක් සිය යට ඇදුමේ සගවා ගෙන , කටුනායක ගුවන් තොටුපොළ පිටත්වීමේ පර්යන්තයේ කාර්යය මණ්ඩල පිටව යන දොරටුවෙන් පිටව යමින් සිටි ශ්‍රී ලන්කන් කේටරින් සමාගමේ සේවකයෙකු 12/30 දින පස්වරු 04.30 ට පමණ රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

නීත්‍යානුකූල බලපත්‍රයක් නොමැතිව කසළ තේ කිලෝ ග්‍රෑම් 6045ක් ලොරි රථයකින් ප්‍රවාහනය කරමින් සිටි සැකකරුවන් දෙදෙනෙක් ලොරි රථය සමග අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවස

උඩරට දුම්රිය මාර්ගයේ තලවාකැළේ වටගොඩ අතර භාණ්ඩ ප්‍රවාහන දුම්රියක් පීලි පැනීම නිසා උඩරට දුම්රිය ගමනාගමනයට අදත් 30 දින බාධා එල්ල වී ඇතැයි නාවලපිටිය දුම්රිය පාලක මැදිරිය පැවසීය.

2023 සැප්තැම්බර්, ඔක්තෝම්බර්,නොවැම්බර් සහ දෙසැම්බර් මාසවලදී විවිධ ආපදා හේතුවෙන් සේවයට වාර්තා කිරීමට නොහැකි වූ දිනයන් වෙනුවෙන් රාජ්‍ය සේවකයන්ට විශේෂිත නිවාඩු ලබා දීමට රජය තීරණය කර තිබේ.

ප්‍රමුඛ පෙලේ මත්ද්‍රව්‍ය ජාවාරම්කරුවෙක් හා සංවිධානාත්මක අපරාධකරුවෙක් වන කුඩු රොෂාන්, ඔහුගේ සහෝදරයා හා තවත් දින හතරක කාලයක් රඳවා ගෙන ප්‍රශ්න කිරීමට වරකාපොල මහේස්ත්‍රාත් අධිකරණය වරකාපොල පොලීසියට අවසර දුන්නේය.

පාර්ලිමේන්තුව විසින් අනුමත කළ 2023 වසරේ අයවැය ප්‍රතිපාදනවලට යටත්ව 2023 වසරේ දෙසැම්බර් 15 දක්වා සියලු රජයේ ආයතන විසින් සහතික කරන ලද සියලුම බිල්පත් සඳහා අවශ්‍ය අරමුදල් මහා භාණ්ඩාගාරය විසින් මේ වන විට නිදහස් කිරීමට කටයුතු කර ඇති බව මුදල් අමාත්‍යාංශය සඳහන් කරයි.

රටේ නිවාසවල ආදායම් මට්ටම 60%කින් අඩුවන විට වියදම් මට්ටම 90% කින් වැඩි වී ඇති බවත් ආර්ථික අර්බුදය නිසා සියයට 22ක් ණය බරින් පෙළෙන බවත් විපක්ෂ නායකවරයා පැවසීය.

ධාරාණිපාත වර්ෂාව සමග පස් කන්දක් කඩා වැටී අද 29 සවස පස්සර ලුණුගල මාර්ගය සම්පූර්ණයෙන්ම අවහිර වී ඇති බව ලුණුගල පොලීසිය කියයි.

ඓතිහාසික බොල්තුඹේ සමන් මහ දේවාලයේ බස්නායක ධූරයට ගැමුණු බණ්ඩාර වලිසුන්දර මහතා අද (29) තේරී පත් විය.

ප්‍රමිතියෙන් බාල ඖෂධ රට තුළට ගෙන ඒම සම්බන්ධයෙන් අපරාධ පරීක්ෂණ දෙපාර්තමේන්තුව මගින් සිදු කරනු ලබන පරීක්ෂණය සඳහා සෞඛ්‍ය අමාත්‍යාංශය විසින් ලබාදිය යුතු පූර්ණ සහය ලබාදෙන බව සෞඛ්‍ය අමාත්‍ය රමේෂ් පතිරණ මහතා පවසයි.