දෙමටගොඩ ඛනිජ තෙල් සංස්ථා මූලස්ථානයට අයුතු ලෙස ඇතුල්වී නීතීවීරෝධී ජනරාශියක සාමාජිකයින් වශයෙන් කටයුතු කළ බව කියන කොළඹ මහනගර සභාවේ මන්ත්‍රී කුලතිස්ස ගීකියනගේ ඇතුළු සැකකරුවන් දස දෙනෙකු වහාම අත්අඩංගුවට ගන්නා ලෙස නියම කරමින් කොළඹ ප‍්‍රධාන මහේස්ත‍්‍රාත් මොහොමඞ් මිහාල් මහතා අද (18දා) වරෙන්තු නිකුත් කළේය.

මිත්තණිය සෙවනේ හැදී වැඩුණු වයස අවුරුදු 8 ක පිරිමි ළමයෙකුට බරපතළ ලිංගික අපයෝජනය කළ බව කියන තරුණයන් හත්දෙනෙකු අද (18දා) අත්අඩංගුවට ගත් බව බේරුවල පොලිසිය කියයි.

පෑලියගොඩ කොවිඩ් පොකුරට සම්බන්ධව තවත් කොවිඩ් ආසාදිතයන් 332ක් වාර්තා වී තිබේ. ඒ අනුව දිවුලපිටිය, පෑලියගොඩ හා බන්ධනාගාර කොවිඩ් පොකුරට සම්බන්ධව මේ දක්වා වර්තා වී ඇති සමස්ත ආසාදිතයන් සංඛ්‍යාව 49606කි.

අධ්‍යාපන අමාත්‍ය මහාචාර්ය ජී.එල් පීරිස් මහතා ස්වයං නිරෝධායනය සඳහා යොමු වී ඇතැයි වාර්තා වේ.

අලුතෙන් කොවිඩ් 19 ආසාදිතයන් 29 දෙනකු (18 දා) වත්තල සෞඛ්‍ය වෛද්‍ය නිලධාරී කොට්ඨාසයෙන් හදුනාගත් බව වත්තල සෞඛ්‍ය වෛද්‍ය නිලධාරීනී යු. ඇසෙන්ටා මහත්මිය පැවසුවාය.

තවත් කොවිඩ්-19 ආසාදිතයින් 649ක් සුවය ලබා පිටව ගොස් තිබේ.

යුද්ධ හමුදා නව අධ්‍යක්ෂ ජෙනරාල් ප්‍රධාන මාණ්ඩලික වශයෙන් මේජර් ජෙනරල් ප්‍රියන්ක ප්‍රනාන්දු මහතා පත්කර තිබේ.

අම්බලන්තොට ව්‍යාපාරිකයෙකු හට රුපියල් කෝටි 02කට අලෙවි කිරීමට ගෙනා වාලම්පුරියක් සමඟ සැකකරුවන් 06 දෙනෙකු අද අත්අඩංගුවට ගැනීමට පොලිස් විශේෂකාර්ය බලකා නිලධාරීන් සමත්වී තිබේ.

කොවිඩ් 19 වෛරසය පැතිර යාමේ අවධානමත් සමග මාස තුනක කාලයක් තිස්සේ තාවකාලිකව නතර කර තිබු උඩරට දුම්රිය මාර්ගයේ ගමනාගමන කටයුතු අද (18) සිට යලි ආරම්භ කල බව මධ්‍යම පළාත් දුම්රිය ප්‍රවාහන අධිකාරි ආනන්ද කරුණාරත්න මහතා පැවසිය.

රාජ්‍ය අමාත්‍ය පියල් නිශාන්ත හට කෝවිඩ් - 19 වෛරසය ආසාදනය වී තිබෙන බව සිදුකළ ඇන්ටිජන් පරීක්ෂණයකින් තහවුරු වී ඇ​ත.

හෙට (19) සහ අනිද්දා (20) යන දින තුළ පාර්ලිමේන්තු රැස්වීම් පැවැත්වීමට අද(18) පෙරවරුවේ කතානායක මහින්ද යාපා අබේවර්ධන මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභාව තීරණය කළේය.

මහනුවර ශ්‍රී දළදා මාලිගාවේ පොලිස් නිලධාරීන් පිරිසකටකොවිඩ් වෛරසය ආසාදනය වී තිබුණත්එහි කෝරාළ වරුන් ඇතුළුසියලුම සේවක මණ්ඩලයඇන්ටිජන්පරීක්ෂණයට ලක් කොට තිබෙන බවත්එමගින් දළදා මාලිගාවේකිසිදු සේවකයෙකුටකොවිඩ් වෛරසය ආසාදනය වී නොමැති බවට තහවුරු වී තිබෙන බවදියවඩන නිලමේප්‍රදීප් නිලංග දෑල මහතා පවසයි .

පස්සර ප්‍රදේශයේ පාසල් සිසුන් තිදෙනෙකුට කොරෝනා වෛරසය ශරීරගතවී තිබෙන බව ඊයේ දින පී.සී.ආර් පරීක්ෂණයකින් සොයාගත් බව බදුල්ල වසංගත රෝග විශේෂඥ වෛද්‍ය ශාන්ත ගමගෙදර මහතා පැවසීය.

කොවිඩ් මර්දන එන්නත ලබාදීම කොවිඩ් සම්බන්ධයෙන් ජනතාව තුළ පවතින මානසිකත්වය ශක්තිමත් වීමට හේතුවනු ඇති බවත් ලබන මස මැද භාගයේ සිට මෙරට ජනතාවට ඔක්ස්ෆර්ඩ් විශ්ව විද්‍යාලය මගින් නිපදවූ කොවිඩ් එන්නත ලබා දීමට හැකිවනු ඇතැයි අධ්‍යාපන අමාත්‍ය,මහචාර්ය ජී.එල්. පීරිස් මහතා මහනුවරදි පැවසිය.

මත්ද්‍රව්‍ය ජාවාරමට ආධාර අනුබලදීම සම්බන්ධයෙන් අනුරාධපුර කොට්ඨාස අපරාධ විමර්ශන ඒකකයේ වැටලීම් ඒකකයේ ස්ථානාධිපති ලෙස කටයුතු කරන පොලිස් පරීක්ෂකවරයෙකු 18 අනුරාධපුර මූලස්ථාන ප්‍රධාන පොලිස් පරීක්ෂකවරයා විසින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසීය .

පොළොන්නරුවට නොකඩවා ඇදහැලෙන වර්ෂාවත් සමග පස්වෙනි වරටත් පරාක්‍රම සමුද්‍රය වාන් දොරටු විවෘත කිරිම අද (18) දින පෙරවරුවේ වාන් දොරටු දහයෙන් 4ක් අඩි එක බැගින් විවෘත කල බව පොළොන්නරුව කලාපභාර වාරි අධක්ෂක එස් කේ හේවාගම මහතා පවසයි.

විෂබිජහරණය සිදු කිරීමෙන් පසු නාවලපිටිය නගරයේ සියළුම වෙලදසැල් අද (18දා) දින උදැසන සිට විවෘත කර ඇති බව නාවලපිටිය නගර සභාව පවසයි.

නුවරඑළිය ග්‍රෙගරි වැවේ බෝට්ටු සවාරි සේවාව යලි සංචාරකයන් සඳහා ආරම්භ කිරීමට පියවර ගත් බව නුවරඑළිය නගරාධිපති චන්දන ලාල් කරුණාරත්න මහතා පැවැසීය.

හිටපු අමාත්‍ය රාජිත සේනාරත්න ඇතුළු තිදෙනෙකුට කොළඹ මහාධිකරණය අද අධිචෝදනා පත්‍ර භාර දෙන ලැබුවා. මහාධිකරණ විනිසුරු ප්‍රදීප් හෙට්ටිආරච්චි ඉදිරියේ මෙම අධිචෝදනා පත්‍ර භාර දෙනු ලැබුවේ අල්ලස් කොමිෂන් සභාව විසින් රාජිත සේනාරත්න ඇතුළු තිදෙනකුට එරෙහිව දූෂණය නැමැති වරද කර ඇති බවට වන නඩුවක් සම්බන්ධව​ය.

විෂබිජහරණය සිදු කිරිමෙන් පසු නාවලපිටිය නගරයේ සියළුම වෙළදසැල් (18) දින උදැසන සිට විවෘත කර ඇති බව නාවලපිටිය නගර සභාව පවසයි.

ශ්‍රී දළදා මාලිගාවේ කාර්ය මණ්ඩලයේ කිසිවෙකුටත් කොවිඩ් ආසාදනය වී නොමැති බවත් මාලිගාවේ දෛනික තේවාවන් ඇතුළු පුද පූජා වත් පිළිවෙත් අඛණ්ඩව මල්වතු - අස්ගිරි මහා නායක හිමිපාණන් වහන්සේලාගේ අනුශාසනා අනුව දියවඩන නිලමේ තුමන්ගේ පූර්ණ අධීක්ෂණය යටතේ සිරිත් ප්‍රකාරව සිදුකරන බව දළදා මාලිගාවේ මාධ්‍ය අංශය නිවේදනය කරයි.

ශ්‍රී ලංකාව සහ එංගලන්තය අතර පැවති පළමු ටෙස්ට් තරඟයෙන් කඩුලු 7ක ජයක් ලැබීමට සංචාරක එංගලන්ත කණ්ඩායම සමත් විය.

පුත්තලම හින්දු විද්‍යාලයේ සිසුවකු කොවිඩ් 19 ආසාදිත විමත් සමග එම සිසුවාගේ ආශ්‍රීතයින් සියල්ලම (17 ) දින නිරෝධායනයට ලක් කල බව පුත්තලම පරිපාලන මහජන සෞඛ්‍ය පරික්ෂක එන් .සුරේෂ් මහතා පවසයි.

කොග්ගල නිදහස් වෙළද කළාපයේ ඇගලුම් කම්හල් පොකුරේ කොරෝනා ආසාදිතයින් සංඛ්‍යාව අද (18) වනවිට 75 දක්වා වැඩිවි ඇති බැව් හබරාදුව සෞඛ්‍ය වෛද්‍ය නිලධාරි වෛද්‍ය ප්‍රමෝද සිරිවර්ධන මහතා පවසයි.

දකුණු පළාතට අයත් ගාල්ල, මාතර හා හම්බන්තොට දිස්ත්‍රික්කවලින් ඊයේ (17) වාර්තා වූ නව ආසාදිතයින් 84දෙනකු සමග මේ වනවිට දකුණු පළාතෙන් වාර්තා වන සමස්ත කොරෝනා ආසාදිතයින් සංඛ්‍යාව 1,751දක්වා ඉහල ගොස් ඇතැයි දකුණු පළාත් කොවිඩ් මෙහෙයුම් කාර්යාලය පවසයි.

තම මතභේදාත්මක සගයන්ට, පවුලේ සාමාජිකයන්ට හෝ තමාට සමාව දීමට ට්‍රම්ප් අවසාන මොහොතේ තීරණය නොකළහොත්, මෙම ඉදිරිපත් කෙරෙන කණ්ඩායම ජනාධිපති සමාව වෙනුවෙන් වූ අවසාන කණ්ඩායම වනු ඇතැයි දැන් නිලධාරීන් අපේක්ෂා කරයි.

මෙම සතියේ ධනය දේපළ ඉපැයීම් මාර්ග මෙන්ම උරුම හිමිකම් අයිතිවාසිකම් හා කිසියමි ලාභ ප්‍රයෝජනාදියක් හිමිවන, තම භාග්‍ය සම්පත් උදාවන, එසේම ජීවනෝපාය මාර්ගයන්, රැකියා ව්‍යාපාර යනාදිය හා තම දෛනික ජීවන ගමනේ බොහෝ අත්‍යාවශ්‍ය කාර්යයන්හී ප්‍රගතියක්, සාර්ථකත්වයක්, ස්ථාවරභාවයක් සතිය පුරා ගෙන දෙන, ගොඩනගන සතියේ ශුභඵලදායී ලග්න, වනුයේ සිංහ, කන්‍යා, වෘශ්චික, ධනු, මකර, කුම්භ, මීන වැනි ලග්නයන්ය.

ලොව පුරා භාවිතයට ගැනෙන ක්‍රි.ව. දිනදර්ශනය මෑතකාලීනව නිර්මාණය වී ඇති එකකි. ජූලියස් සීසර් රෝම අධිරාජ්‍යයාගේ නියමයෙන් සොසිජනස් නමැති තාරකා විද්‍යාඥයා විසින් මෙම දිනදර්ශනය සකසන ලදී. නමුත් එහි වූ යම් යම් අඩුපාඩු නිසා භාවිතයේදී ගැටලු මතුවිය. මාස සති දිනවල පරස්පරතා තිබුණි. පසුව ග්‍රෙගරි පොප් නමැත්තා විසින් එය සංශෝධනය කර වර්තමානයේ අප භාවිත කරන දිනදර්ශනය බවට පත් කළේය. එය අපට බටහිරින් ආ තවත් හෙනයකි.

නවදිල්ලියේ ගුරු සංගම් දෙකකට අනුව 2020 දී අවම වශයෙන් ගුරුවරුන් 28,000ක් කොවිඩ්-19 භූමිකාවන් සඳහා යොදවා තිබුණි. වසංගතයෙන් කොවිඩ්-19 ආසාදිතව ගුරුවරුන් 35 දෙනෙකු මියගොස් ඇති අතර, තවත් සිය ගණනක් රෝගාතුර වූ බව ඔවුහු පැවසූහ.