සම්මුතිවාදි රජයක් පිහිටුවිම වෙනුවට ප්‍රතික්ෂේප වූ දේශපාලඥයින් ජ්‍යෙෂ්ඨ උපදේශක තනතුරුවලට පත්කිරීමත් ජනපති රනිල් වික්‍රමසිංහ මහතාගේ ප්‍රතිසංස්කරණ බවට මෙතෙක් පත්ව ඇති බව පාර්ලිමේන්තු මන්ත්‍රී ඩලස් අලහප්පෙරුම මහතා පවසයි. තමාට ඡන්දය දුන් මන්ත්‍රීවරුන් සනසාලීම සහ ප්‍රතික්ෂේප වූ පක්ෂ හිතවතුන්ට ත්‍යාග පිරිනැමීම පැරණි ජඩ ක්‍රමයේම අඛණ්ඩ පැවැත්මක් බවද ඩලස් අලහප්පෙරුම මහතා පවසයි.

පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වූ මුහුදු ප්‍රදේශයන් වල නැවත දැනුම් දෙන තුරු ධීවර හා නාවික කටයුතුවල නොයෙදෙන ලෙස කාලගුණ විද්‍යා දෙපාර්තමේන්තුව සඳහන් කරයි.

කාර්මික දෝෂයක් හේතුවෙන් තලෛයිමන්නාරමට උතුරින් වූ ශ්‍රි ලංකාවට අයත් මුහුදු ප්‍රදේශයට ගසා ගෙන පැමිණ තිබූ ඉන්දීය ට්‍රෝලර් යාත්‍රාවක සිටි ධීවරයින් 06 දෙනෙකු නිරුපද්‍රිතව මුදවා ගැනීමෙන් අනතුරුව, එම ධීවරයින් වෙත මානුෂීය ආධාර ලබා දී වෙනත් ඉන්දීය ධිවර යාත්‍රාවක් වෙත අන්තර්ජාතික මුහුදු සීමාවේදී භාරදීමට ශ්‍රි ලංකා නාවික හමුදාව ඊයේ (31දා) කටයුතු කළේය.

පාර්ලිමේන්තුව විවෘත කිරීමේ උත්සවයේ විශේෂ පෙරහුරුවක් හෙට (02දා) පැවැත්වෙන බව වේත්‍රධාරි නරේන්ද්‍ර ප්‍රනාන්දු මහතා පැවසීය.

ලිට්‍රෝ ගෑස් මිල ලබන 5දා වන විට අඩුකරන බව ලිට්‍රෝ ගෑස් සමාගමේ සභාපති සහ ප්‍රධාන විධායක නිලධාරී මුදිත පීරිස් මහතා පවසයි.

හිටපු ජනාධිපති ගෝඨාභය රාජපක්ෂ මහතාට ශ්‍රී ලංකාවට පැමිණීමට සුදුසු වේලාව මෙය නොවන බව ජනාධිපති රනිල් වික්‍රමසිංහ මහතා පවසා තිබේ.

ශ්‍රී ලංකාව දරුණුතම මූල්‍ය ව්‍යසනයට මුහුණ දී ඇති බවත් දේශපාලන ස්ථාවරත්වය යථා තත්ත්වයට පත් කිරීමත් සමග ජාත්‍යන්තර මූල්‍ය අරමුදලේ ණය පහසුකමක් ඳසහා වූ සාකච්ඡා අවසන් කිරීමත් සමඟ නව මාවතක් ආරම්භ කිරීමට හැකි වනු ඇති බවත් ජනපති රනිල් වික්‍රමසිංහ මහතා පැවැසීය.

වව්නියාව ආච්චිපුරම් ප්‍රදේශයේ පදිංචිව සිටි තරුණ ව්‍යාපාරිකයෙකු ඊයේ (31දා) දින කිසියම් නාදුනන පිරිසක් විසින් අමානුෂිකව ඝාතනය කොට තිබියදී මළ සිරුර සොයාගත් බවට සිදම්බරපුරම් පොලීසිය පවසයි.

ශ්‍රී ලංකා නාවික හමුදාව වෙන්නප්පුව පොලිසිය හා එක්ව වෙන්නප්පුව නගරයේ ඊයේ (31දා) රාත්‍රී කාලයේ සිදුකළ විශේෂ සෝදිසි මෙහෙයුමක් මඟින්, නීති විරෝධී ලෙස මුහුදු මාර්ගයෙන් මෙරටින් විදෙස් රටකට සංක්‍රමණය වීමට උත්සහ කළ බවට සැකකෙරෙන පුද්ගලයන් 47 දෙනෙකු අත්අඩංගුවට ගැනීමට කටයුතු කෙරිණි.

ජාතික ඉන්ධන බලපත්‍රය සඳහා මේ වන විට වාහන මිලියන 5ක් ලියාපදිංචි වි ඇතැයි විදුලි බල හා බලශක්ති අමාත්‍ය කංචන විජේසේකර මහතා පවසයි.

ආරච්චිකට්ටුව ආනවිලුන්දාව ඉන්ධන පිරවුම්හලේ ඊයේ (31දා) වාහන පෝලීමට අමතර දැව කපන යන්ත්‍ර සහ තණකොල කපන යන්ත්‍ර රැගත් පිරිසක් වෙනම පෝලිමක් සකස් කරදීමට ආරච්චිකට්ටුව පොලීසිය කටයුතු කළේය.

නෝටන්බ්‍රිජ් විමලසුරෙන්ද්‍ර ජල විදුලි බලාගාර ජල පෝෂක ප්‍රදේශවලට අද (01දා) දින අලුයම සිට ඇද හැලෙන අධික වර්ෂාවත් සමග විමලසුරෙන්ද්‍ර ජලාශය වාන් දැමිමට ආරම්භ වි ඇති බව නුවරඑලිය දිස්ත්‍රික් ආපදා කලමණාකරණ ඒකකයේ සහකාර අධ්‍යක්ෂක රංජිත් අලහකොන් මහතා පැවසිය.

ඉන්ධන මිල අඩු කළ හොත් ආපනශාලාවල ආහාර පානවල මිල සියයට විස්සකින් අඩු කරන බවත් ගෑස් සැපයීම ඉතා සක්රීයව සිදු කෙරෙන නිසා වසා දමා තිබූ ආපනශාලාවලින් බොහෝමයක්ම මේ වනවිට විවෘත කළ බව ආපනශාලා හිමියන්ගේ සංගමයේ සභාපති අසේල සම්පත් මහතා ඇල්පිටියේ පැවති මාධය හමුවකදී කීවේය.

අගුණකොළපැලැස්ස බන්ධනාගාරයේ පිටත ආරක්ෂක කම්බි වැට අසල සඟවා තිබූ ජංගම දුරකථන හා දුමිකොල සුරුටිටු තොගයක් හමුවූ බව පොලිස් විශේෂ කාර්ය බළකාය පවසයි.

යාල ජාතික අභයභූමියේ වනසතුන් නැරඹීමට පැමිණෙන දෙස් විදෙස් සංචාරකයින් සඳහා ලබා දෙන පහසුකම් ඉහළ නැංවීමට වනජීවි හා වනසම්පත් සංරක්ෂණ අමාත්‍යාංශය විසින් පියවර රැසක් ගෙන තිබේ.

ගාලු මුවදොර මුහුදු වෙරළට ගොඩ ගසා තිබූ නාඳුනන පුද්ගලයෙකුගේ මළ සිරුරක් අද අළුයම හමුවූ බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය

ජාතික ඉන්ධන බලපත්‍රයට අනුව ඉන්ධන නිකුත් කිරීම අද (01දා) සිට ආරම්භ කෙරිණ. මේ අනුව දිවයින පුරා පිහිටි ඉන්ධන හල් තුළින් QR ක්‍රමවේදය අනුව ඉන්ධන නිකුත් කරයි.

ඉන්දියාවේ සිය පළමු වැනි මන්කිපොක්ස් මරණය දකුණු කේරළ ප්‍රාන්තයෙන් ඉරිදා වාර්තා වූ බව ඉන්දියන් එක්ස්ප්‍රස් පුවත්පත ප්‍රාන්ත සෞඛ්‍ය අමාත්‍ය වීනා ජෝර්ජ් උපුටා දක්වමින් පවසයි.

නිරිත දිග මෝසම් තත්ත්වයේ සක්‍රීයවීමක් හෙට (01දා) සිට බලාපොරොත්තු වන බව කාලගුණ විද්‍යා දෙපාර්තමේන්තුව පවසයි.

මියන්මාරයේ හදිසි නීතිය තවත් මාස හයකින් දීර්ඝ කිරීමට මියන්මාරයේ ජාතික ආරක්ෂක සහ ආරක්ෂක කවුන්සිලය ඉරිදා තීරණය කළේය.

මුහුණු ආවරණ නොමැතිව ඉන්ධන පිරවුම්හල් වෙත පැමිණෙන පුද්ගලයින්ට හෙට සිට ඉන්ධන නිකුත් නොකරන බව ඛනිජ තෙල් අලෙවි නියෝජිතයින්ගේ සංගමයේ (PDA) සම ලේකම් කපිල නාඔටුන්න මහතා පවසයි.

කෙන්යානු ජනාධිපති උහුරු කෙන්යාටා චීනය විසින් ඉදිකරන ලද නයිරෝබි අධිවේගී මාර්ගය නිල වශයෙන් ආරම්භ විවෘත කර තිබේ.

හෙට සිට දිවයින පුරා ඇති සියලුම ඉන්ධන පිරවුම්හල්වලින් ඉන්ධන නිකුත් කරන්නේ QR ඛේතය හරහා පමණක් බව විදුලි බල හා බලශක්ති අමාත්‍ය කංචන විජේසේකර මහතා කියයි.

මේ තත්ත්වය තුළ මිලියන සංඛ්‍යාත ජනතාවක් රෝගයේ වඩාත් භයානක අනුවාදයකින් අනාරක්ෂිත විය හැකි අතර වෛරසය මිනිසුන්ට අඛණ්ඩව කාන්දු වීමේ අවදානමක් ඇති බව මහජන සෞඛ්‍ය නිලධාරීන් අනතුරු අඟවයි.

ඉන්ධන මිල සූත්‍රය අනුව ඉන්ධන මිල සංශෝධනය කිරීම හෙට (01දා) සිදුකිරීමට නියමිතය. සෑම මසකම පළමුවැනිදා හා 15 වැනිදා ඉන්ධන මිල සංශෝධනය කිරිමට රජය තීරණයක් ගෙන තිබේ.

චීන මහජන විමුක්ති හමුදාවේ (PLA) ගුවන් හමුදාව පැවසුවේ ජාතික ස්වෛරීභාවය සහ භෞමික අඛණ්ඩතාව ආරක්ෂා කිරීම සඳහා දූපත් මුර සංචාර පවත්වා ඇති බවයි.

කුරුණෑගල කිනගස්පිටිය ප්‍රදේශයේ පිහිටි සත්ත්ව ආහාර නිෂ්පාදන ආයතනයක ආනයනික සහල් භාවිතා කිරීම සම්බන්ධව වැටලීමක් සිදු කර ඇති අතර එහිදී කිලෝ ග්‍රෑම් 25/50 KG අසුරණ මළු වල සහල් මෙට්‍රික් ටොන් 3057 ක තොගයක් නිළධාරීන් භාරයට ගෙන ඇත.

ජාත්‍යන්තර මූල්‍ය අරමුදලින් ණයක් ලබාගැනීම වෙනුවෙන් අවශ්‍ය මාර්ග විවෘත කරමින් චීනය ප්‍රමුඛ සැම්බියාවට ණය ලබාදී ඇති පාර්ශ්ව සැම්බියාවට අවශ්‍ය ණය සහන ලබාදීමට එකඟ වී තිබේ.

ජපානයේ තයිසේ සමාගමෙන් අල්ලසක් ඉල්ලූ බවට සමාජ මාධ්‍ය ජාලා ඇතුළු විද්‍යුත් හා මුද්‍රිත මාධ්‍යයන්හි පළකර තිබූ වාර්තා සම්බන්ධයෙන් අපක්ෂපාතී පරීක්ෂණයක් පවත්වන ලෙස හිටපු අමාත්‍ය නිමල් සිරිපාල ද සිල්වා මහතා කළ ඉල්ලීමට අනුව පත් කළ ත්‍රිපුද්ගල පරීක්ෂණ කමිටුවේ වාර්තාව අද (31) පස්වරුවේ ජනාධිපති කාර්යාලයේ දී ජනාධිපති ලේකම් සමන් ඒකනායක මහතා වෙත භාර දුන්නේය.