ජනාධිපති රනිල් වික්‍රමසිංහ මහතා චීනයේ සංචාරයක් සඳහා ඊයේ (15දා) රාත්‍රී කටුනායක ගුවන් තොටුපොළෙන් පිටත්ව ගිය බව ගුවන් තොටුපොළ කාර්යය භාර නිලධාරීවරයා ද සනාථ කළේය.

පැවති ධාරානිපාත වර්ෂාව සමඟ අද 15 දහවල් බණ්ඩාරවෙල වන නගරය ජලයෙන් යට වූ බව ආපදා කළමනාකරණ මධ්‍යස්ථානය පවසයි.

උඩරට දුම්රිය මාර්ගයට වටවල හා ගලබොඩ දුම්රිය ස්ථානය අතර ප්‍රදේශයේදී විශාල ගසක් කඩා වැටීම හේතුවෙන් එම මාර්ගයේ දුම්රිය ගමනාගමනයට අද (15දා) දහවල් සිට බාධා එල්ල වී පැවැති බව නාවලපිටිය දුම්රිය පාලක මැදිරිය සඳහන් කරයි.

පවතින වැසිසහිත කාලගුණික තත්වය හේතුවෙන් දැදුරු ඔය ජලාශයේ වාන්දොරටු 04 ක් අඩි 03 බැගින් විවෘත කර ඇති අතර තප්පරයට ගණ අඩි 8400 බැගින් ජලය නිකුත් කෙරේ. දැදුරු ඔය දියනෑම ඇතුලු දෛනික කටටුතු සිදුකරන දැදුරු ඔය නිම්නයේ ජනතාව මේ පිළිබද සැලකිලිමක් වන ලෙස කාරුණිකව දැනුම් දෙනු ලැබේ. මේ පිළිබදව ජනතාව දැනුවත් කිරීමට කටයුතු කරන මෙන් කාරුණිකව ඉල්ලා සිටිමි.

මෙවර ශිෂ්‍යත්ව විභාගයට පෙනී සිටියදී හදිස්සි අනතුරකට ලක්වූ සිසුවකුට පොලිස් නිලධාරියෙකුගේ ක්ෂණික මැදිහත්වීම මත යළි විභාගයට පෙනී සිටීමට හැකි වීමේ පුවතක් බොරලැස්ගමුවෙන් වාර්තා වේ.

දෙඹර කූඩුවක් ඇවිස්සීී දෙඔරුන් දෂ්ඨ කිරීමෙන් රෝහල් ගත කල සත් දෙනෙකුගෙන් එක් අයෙකු මරණයට පත්ව,කාන්තාවක් නිකවැරටිය රෝහල් දැඩි සත්කාරයට ඇතුළත් කර ඇති බව රෝහල් ආරංචි මාර්ග පවසයි.

5 ශ්‍රේණිය ශිෂ්‍යත්ව විභාගයට පෙනී සිටීමට අද (15) හාලිඇල දීගල්ල ගම්මානයේ සිට පැමිණි සිසුන් ට බස්රථ නොමැති වීමෙන් සිසුන් මෙන්ම දෙමව්පියන් ද දැඩි අපහසුතාවට පත්ව සිටියහ . දීගල්ල උඩගම සිට උදෑසන 5.55ට සහ උදෑසන 6.30 බදුල්ල බලා ශ්‍රී ලංගම බස්‍ රථ දෙකක් ගමන් ආරම්භ කලද,5 ශ්‍රේණිය ශිෂ්‍යත්ව විභාගය පැවති අද (15) දිනයේ ඉන් එකදු බස්රථය ක් හෝ ධාවනය නොවු බවද දීගල්ල උඩගම ගම්වාසීන් කීහ .

සංචාරකයින් ලෙස ශ්‍රී ලංකාවට පැමිණෙන රටවල් පහක විදේශිකයින් වෙනුවෙන් ඉදිරි වසර තුන සඳහා නිදහස් සංචාරක වීසා නිකුත් කිරීම සඳහා කැබිනට් පත්‍රිකාවක් ඉදිරිපත් කර ඇතැයි සංචාරක අමාත්‍යංශය පැවසීය. ඒ අනුව චීන,රුසියා,ඉන්දියා,තායිලන්ත ඉන්දුනීසියාව යන රටවල් වලින් පැමිණෙන සංචාරකයින් සඳහා නිදහස් වීසා අවස්ථාව හිමිවනු ඇත.

නැගෙනහිර පළාතේ පාසල් වල තමන් උගන්වන විෂය එම පාසලේ සිසුන්ට පාසල් වේලාවෙන් බැහැරව හා සති අන්ත දිනවල මුදල් අයකර උපකාරක පංති පවත්වා ඉගැන්විම් කිරිම සම්පූර්ණයෙන් තහනම් කරමින් පළාත් අධ්‍යාපන ලේකම්වරයා චක්‍ර ලේඛයක් නිකුත් කර තිබේ.

මධ්‍යම කඳුකරයට ඇද හැලෙන අධික වර්ෂාව නිසා පොල්ගොල්ල ජලාශයේ වාන් දොරටු හතරක් අද (15දා) පෙරවරුවේ විවෘත කර ඇති බව වේල්ල භාර ඉංජිනේරු කාර්යාලය සඳහන් කළේය.

අන්තර් ජාලය ඔස්සේ ජංගම දුරකතනයෙන් වීඩියෝ ගේම්වලට ඇබ්බැහිවූ දහතුන් හැවිරිදි සිය භාරකාරීත්වයේ සිට්න පිරිමි දරුවා එයින් මුදවා දෙන්නයි ඉල්ලමින් මවක් දැමූ පැමිණිල්ලකට අනුව සිකුරාදා (13) පස්වරුවේදී බෙන්තොට පොලීසිය විසින් බලපිටිය අධිකරණයට ඉදිරිපත් කළේය.

කුරුණෑගල ප්‍රධාන තැපැල් කාර්යාලය ඉදිරිපිටදී ඊයේ (14දා) පස්වරුවේ සිරුරට ගිනි තියා ගැනීමෙන් තුවාල ලැබූ හිටපු යුද හමුදා සෙබලෙකු ප්‍රතිකාර සඳහා කුරුණෑගල ශික්ෂණ රෝහලට ඇතුළත් කළ බව කුරුණෑගල මූලස්ථාන පොලීසිය පවසයි.

ආබාධයකට ලක්ව ඇති ශ්‍රි ලංකා කණ්ඩායමේ නායක දසුන් ශානකට ලෝක කුසලානය අහිමි වී තිබේ. ඒ අනුව ඔහු වෙනුවට තුන් ඉරියව් ක්‍රීඩක චාමික කරුණාරත්න කණ්ඩායමට කැඳවා තිබේ පාකිස්තානය හා පැවැති තරගයේදී මස්පිඩු ආබාධයකට ලක්ව ඇති දසුන්ට සති තුනක පමණ කාලයක් එයින් සුව වීම වෙනුවෙන් වැය වෙනු ඇතැයි වාර්තා වෙයි.

දූෂණය වංචාව ඉහවහ ගිය රටේ රුධිර කාන්දුකරණය හා වකුගඩු බද්ධ කිරීමට අවශ්‍ය බෙහෙත් හේත් පවා නොමැති බවත් බංකොලොත් මේ රටේ බෙහෙත් හේත්වලින් පවා හොරා කන අන්ත දුෂිත තත්ත්වයක් මතුව ඇති බවත් වත්මන් රජය හොර පාරෙන් හොර ක්‍රමවේදයකින් හොර සමාගමක් හරහා හොර පිළිකා බෙහෙතක් ගෙන්වා ඇති බවත් මේ බෙහෙත නිසා සුවවිය හැකි පිළිකා රෝගීන් පවා අනිවාර්යෙන් මිය යන බවත් මෙවැනි සාපරාධි ක්‍රියා සිදු කරමින් මුදල් හම්බකරන බඩගෝස්තරවාදී දේශපාලනය අප රටින් තුරන් වීමට ඩිජිටල්කරණය අත්‍යාවශ

ජපාන – ශ්‍රී ලංකා නිදහස් වෙළෙඳ කලාපයක් මෙරට ඇති කිරීමට අවශ්‍ය කටයුතු සූදානම් කරමින් පවතින බව ආයෝජන ප්‍රවර්ධන රාජ්‍ය අමාත්‍ය දිලුම් අමුණුගම මහතා පැවසීය.

නව පොලිස්පතිවරයෙක් පත්කිරීමෙ අර්බුදය තවදුරටත් දිග් ගැස්සෙමින් පවතින බව රජයෙ අභ්‍යන්තර වාර්තා සඳහන් කරයි.

රටේ ජනතාවට අලුතින් බදු පැනවිය නොහැකි බවට ජනපති රනිල් වික්‍රමසිංහ මහතා ප්‍රකාශ කළේ යැයි මුදල් රාජ්‍ය අමාත්‍ය රංජිත් සියඹලාපිටිය මහතා පැවැසීය.

ළාබාල තරුණියක් ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි නොවූ ආයතනයක් මගින්, නීතිවිරෝධී ලෙස කටාර් රාජ්‍යයේ ගෘහ සේවය සදහා පිටත් කිරීමට තැත් කරමින් සිටිය දී 10/13 දින උදෑසන කටුනායක ගුවන් තොටුපොළ ආගමන විගමන නිලධාරීන් ඇය අත්අඩංගුවට ගෙන තිබේ.

ආසියානු සංවර්ධන බැංකුව ඇ. ඩොලර් මිලියන 100ක පමණ මුදලක් අප රටේ ක්ෂුද්‍ර කුඩා හා මධ්‍ය පරිමාණ ව්‍යාවසායකයන්ගේ ගැටලු විසදීම සදහා ලබා දෙන බවත් විපක්ෂ නායකවරයා පැවසීය.

සෞදි අරාබියාවේ ගෘහ සේවයට ගිය මෙරට කාන්තාවක් පෙට්‍රල් වත්කොට සිරුරට ගිනි තබා මේ වන විට එරට රැඳවුම් මධ්‍යස්ථානයක සිටින බවත් ඇයව කෙසේ හෝ ලංකාවට ගෙන්වා ගන්නනැයි සෞදි අරාබියාවේ සිටින ලාංකික පිරිස් රජයෙන් ඉල්ලා සිටිති.

ප්‍රේම සම්බන්ධතාවක් මත ඇතිවූ ගැටලුකාරී තත්ත්වයක් මත සාමාන්‍ය පෙළ විභාගයට පෙනී සිටි 17 හැවැරිදි සිසුවෙක් ගෙල වැලලාගෙන ජීවිතක්ෂයට පත්ව ඇතැයි මතුගම පොලීසිය පවසයි.

හත්වන වසරේ ඉගෙනුම ලබන අවුරුදු 12 මාස 01 වයසැති තම දියණියට ලිංගික අතවරකළ ඇයගේ පියා ඉකුත් (12) වෙනිදා ඇතිමලේ පොලීසිය මඟින් අත්අඩංගුවටගෙන ඇත.

මේ දිනවල පාසල් දරුවන් සහ වැඩිහිටියන් අතර සීඝ්‍රයෙන් ඇස් රෝගයක් පැතිර යයි. එම රෝගය වළක්වා ගැනීම සඳහා අනුගමනය කළ යුතු ක්‍රියාමාර්ග පිළිබඳව දැනුවත්ව කටයුතු කල යුතු බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ මධ්‍ය විධායක සභික ,මහජන සෞඛ්‍ය පරීක්ෂක රෝෂන් කුමාර මහතා පෙන්වා දෙයි.

කාසල්රි සහ මවුස්සාකැලේ ඉහල ජල පෝෂක ප්‍රදේශවලට තවදුරටත් ඇද හැලෙන අධික වර්ෂාව හේතුවෙන් එම ජලාශයන් දෙකෙහි ජල මට්ටම පිටාර මට්ටමට ඉතා ආසන්න වි ඇති බව එම ජලාශයන් භාර ඉංජිනේරුවරුන් පැවසිය.

පරිසර අමාත්‍යධුරය තමන් යටතට ගැනීමට ජනපති රනිල් වික්‍රමසිංහ මහතා කටයුතු කර තිබේ. ජනපති ලේකම්ගේ අත්සනින් යුතුව නිකුත් කර ඇති අතිවිශේෂ ගැසට් නිවේදනයක දැක්වෙන් ආණ්ඩුක්‍රම ව්‍යවස්ථාව අනුව අග්‍රාමාත්‍යවරයාගේ අදහස් විමසීමෙන් අනතුරුව පරිසර අමාත්‍යාංශය තමන් භාරයෙන් තබා ගත යුතු බවට ජනපතිවරයා නිශ්චය කර ඇති බවයි.

අවයව බද්ධ කරණ රෝගීන් ලබාදෙන basiliximab ඖෂධ හිග විම නිසා අවයව බද්ධ ශල්‍යකර්ම වලටත් බාධා සිදුවෙමින් බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය සදහන් කරයි

මීළඟ පළාත් සභා මැතිවරණය සහ ජනාධිපතිවරණය කල් දැමීමකින් තොරව සිදුවනු ඇති බවට ශ්‍රී ලංකා පොදුජන පෙරමුණ සඳහන් කරයි.

මේ මාසයේ ග්‍රහණ දෙකක් සිදුවන අතර ඉන් පළමුවැන්න ඔක්තෝබර් 14 වැනිදා වළයාකාර සූර්යග්‍රහණයක් ලෙස සහ දෙවැන්න අර්ධ චන්ද්‍රග්‍රහණයක් ලෙස ඔක්තෝම්බර් 28 වැනිදා රාත්‍රියේ ඇතිවන බවත් කොළඹ විශ්වවිද්‍යාලයේ භෞතික විද්‍යා අංශයේ අංශ ප්‍රධාන සහ තාරකා විද්‍යා හා අභ්‍යවකාශ විද්‍යා ඒකකයේ අධ්‍යක්ෂ මහාචාර්ය චන්දන ජයරත්න මහතා පැවසීය.

හමාස් සංවිධානය විසින් දියත් කළ ප්‍රහාරයට එරෙහිව සටන් වදින ඊශ්රායිල් හමුදාවන්ට එක්වීම සඳහා ඊශ්‍රායිල් අගමැති බෙන්ජමින් නෙතනියාහු ගේ පුත්‍රයා ද සක්‍රීය හමුදා සේවයට එක්වේ. එසේ පිටවීමට පෙර මවට හා පියාට සමුදුන් අවස්ථාව.