හිස්බුල්ලා හා අබ්දුල් රාශික් ගෝඨාට සම්බන්ධ නැතිලු
ඒ.එල්.එම්. හිස්බුල්ලා මහතා හා අබ්දුල් රාශික් ගෝඨාභය රාජපක්ෂ මහතගේ මැතිවරණ ව්‍යාපාරයට සම්බන්ධ බවට වාර්තාවන තොරතුරු වල සත්‍යතාවක් නොමැති බවත් ගෝඨාභය රාජපක්ෂ මහතාගේ සම මාධ්‍ය ප්‍රකාශක ඩලස් අලහප්පෙරුම මහතා පවසයි. නිවේදනයක් නිකුත් කරමින් ඔහු මේ බව සඳහන් කරයි.
ඩලස් අලහප්පෙරුම මහතාගේ නිවේදනය
“ඇතැම් පුද්ගලයන් විසින් ජනාධිපතිවරණයේ ජාතික අපේක්ෂකයා පිළිබ සිදුකරනු ලබන ප‍්‍රකාශ පාදකකොට ගනිමින් ගෝඨාභය රාජපක්ෂ මැතිතුමාගේ අදීන පෞරුෂය සහ දේශජ ප‍්‍රතිපත්තීන් පිළිබ`ද වැරදි අර්ථකථන ලබා දීමට ඇතැම් විසකුරු බලවේග කටයුතු කරමින් සිටින බව පෙනේ. මෙය පසමිතුරු බලවේගයන්ගේ අවසාන උත්සාහය වී ඇති බව ද නිසැකය.
”ඒ. එල්. එම්. හිස්බුල්ලා මහතා ස්වාධීන අපේක්‍ෂකයෙකු ලෙස ඉදිරිපත්වන්නේ ගෝඨාභය රාජපක්ෂ මහතාට වාසියක් ගෙන දීමේ අරමුණිනි.” ”බුදුරජානන් වහන්සේ පිළිබඳ අශිෂ්ට ප‍්‍රකාශයක් සිදුකළ රාසික් නැමැත්තෙකු ගෝඨාභය මහතාගේ මැතිවරණ ව්‍යාපාරයට බර තබමින් සිටී.”
උක්ත ප‍්‍රකාශ ද්විත්වය ම අප විසින් දැඩිව ප‍්‍රතික්ෂේප කරනු ලබන්නේ එකී අර්ථ ශූන්‍ය උත්සාහයන්ට ම උරුම වූ පිළිකුලිනි.
ශිෂ්ඨ සම්පන්න බව, වගකීම්සහගත බව මෙන් ම නූතන මතවාදයන්ට මුල්තැන දෙමින් අවෛරී දේශපාලන සංස්කෘතියට නැවුම් ආකෘතියක් හඳුන්වා දී ඇති ගෝඨාභය රාජපක්ෂ මැතුතුමා ප‍්‍රශ්න කළ යුත්තේ ඔහුගේ මතවාදයන් ප‍්‍රශ්න කිරීමෙන් විනා අශිෂ්ට මාධ්‍ය ප‍්‍රයෝග වලින් නොවන බව අපි නැවතත් අවධාරණය කරන්නෙමු.”
popular news
-
Deepal Nirosh Monday, 14 October 2019 01:46 PM
සම්බන්ධ නෑ...? ඒහෙනම් හොඳා, නැතිනම් අපට අහන්න වෙන්න "ගෝඨා ඔන්න සර්පයෙක්, සර්පයා දුටුවා ද?" කියල තමා.
Reply : 0 0
Champa Monday, 14 October 2019 06:35 PM
ඉතින් ඕක ඔයා කියන්නේ මොකොටද ඩලස්? ඕක ගෝඨාභයටම කියන්න තිබ්බනේ. එයාට කියන්න කියන්න කියල හිස්බුල්ලගෙයි අබ්දුල් රාශික්ගෙයි සහයෝගය එයාට එපා කියල. කතාව ඉවරනේ. බළල්ලු ලව්වා කොස් ඇට බෑවීම අදීන පෞරුෂයක් තියෙන මිනිහෙක් කරන වැඩක්ද කියල කියන්න. මොකක්ද මේ දේශජ ප්‍රතිපත්ති කියන්නේ? ඇමරිකන් ගිවිසුම් අත්සන් කරන්නේ නැහැ කියල අද වෙනකම් කියල නැහැ. ඇමරිකන් ගැත්තෙක්ව අපේක්ෂකයා කරන්න තරම් දීන අදේශජ වුනු ඒකාබද්ධ විපක්ෂේ ගැන කණගාටුයි.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
