හඳුනා නොගත් දිලීර රෝගයකින් බඩ ඉරිඟු අක්කර 500ක් විනාශයි

දින කිහිපයක් තුල ශීඝ්‍රයෙන් පැතිරී යන මෙම දිලීර රෝගය හේතුවෙන් අස්වනු නෙලීමට ආසන්නව පැවති බඩ ඉරිඟු වගාව සම්පූර්ණයෙන්ම විනාශයට පත්ව ඇති අතර මේ වන විට විනාශයට පත් බඩ ඉරිඟු වගාවට යාබදව ඇති කරල් පැසෙමින් පවතින  අනෙකුත් බඩ ඉරිඟු වගාවන් තුලද මෙම දිලීර රෝගය පැතිර යාම ආරම්භ වී ඇති   බවද එම ගොවීන් පවසති.

මෙම දිලීර රෝගයට ගොදුරු වූ, බඩ ඉරිඟු ගස කුණු වීමට ලක්ව,  එහි කරල්ද කුණුවී දුගදක් හමන බවත් පසුව එම බඩ ඉරිඟු ගස කරල සමග කදින් බිමට කඩා වැටෙන බව එම ගොවීහු පෙන්වා දුන්හ.

මේ සම්බන්ධයෙන් කෘෂිකර්ම නිලධාරීන් දැනුවත් කිරීමට කටයුතු කල අතර, මෙම දිලීර රෝගය පිළිබඳව එම නිලධාරීන්ද මෙතෙක් දැනුවත් නොමැති බවද එම ගොවීන් පැවසූහ.

 කනකර ඇතුළු දේපල බැංකු වලට උකසට තබා බඩ ඉරිඟු වගවන්  සිදු කල බවත් මේ වන විට වගාවට අත්ව ඇති ඉරණම හේතුවෙන් තමන්ට දැඩි අසරණ වී ඇති බව පවසන එම ගොවීහු  මේ සම්බන්ධයෙන් සොයා බලා  සාධාරණයක් ඉටු කරන ලෙස බලධාරීන්ගෙන් ඉල්ලා සිටින බව සඳහන් කලහ.