සෞඛ්‍ය අතිරේක ලේකම්ගේ කාර්යාලයට මුද්‍රා තබයි

‍සෞඛ්‍ය අමාත්‍යාංශයේ අතිරේක ලේකම් වෛද්‍ය සමන් රත්නායක මහතාගේ කාර්යාලය අපරාධ පරීක්‍ෂණ දෙපාර්තමේන්තු නිලධාරීන් විසින් ඊයේ (19) පැය පහක පමණ කාලයක් විශේෂ පරීක්‍ෂාවකට ලක්කෙරිණි.

අපරාධ පරික්‍ෂණ දෙපාර්තමේන්තුවේ නිලධාරීන් ඊයේ පෙරවරු 10 සිට පැය පහක පමණ කාලයක් එම කාර්යාලය සෝදිසි කළ අතර, අතිරේක ලේකම්වරයාගෙන් ප්‍රකාශයක් ලබාගත් බවද, සෞඛ්‍ය අමාත්‍යාංශ ආරංචිමාර්ග කියයි.

ප්‍රමිතියෙන් තොර එන්නත් මිලදී ගැනීමේ සිද්ධිය සම්බන්ධයෙන් අධිකරණය දුන් නියෝගයකට අනුව සමන් රත්නායක මහතාගේ කාර්යාලය සෝදිසි කර ඇත.

මේ අතර, එම කාර්යාලය මුද්‍රා තැබීමටද අපරාධ පරීක්‍ෂණ දෙපාර්තමේන්තුව පියවර ගෙන තිබිණි.

රන්ජන් කස්තුරි