සුනාමි කුළුනු 77ම අක්‍රියයි

සුනාමි හා  සුළි සුළං පිළිබද  පුර්ව දැනුම්දිම සදහා 2009 වර්ෂයේ දි ඉදිකරණු ලැබු  සුනාමි කුළුනු 77 මේ වනවිට  ක්‍රියාත්මක තත්ත්වයේ නොමැති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

 මෙකි කුළුණු අලුත්වැඩියා කිරිම සදහා 2016 වර්ෂයේ දි  රුපියල් මිලියන 134.7ක ඇස්තමේන්තු  මුදලකට පුද්ගලික සමාගමක් වෙත  කොන්ත්‍රාත්තුව ලබා දි තිබුණි. ප්‍රසම්පාදන ක්‍රියාවලියේ දි මෙන්ම    කොන්ත්‍රාත්තුව ප්‍රදානය කිරිමේ දි සහ  ක්‍රියාත්මක කිරිමේ දි  එළඹ තිබු ගිවිසුමට පටහැනිව  කටයුතු කිරිම නිසා 2024 වර්ෂය අවසානයන වනවිටත් මෙම කුළුනු කිසිවක්  ක්‍රියාත්මක තත්ත්වයේ නොමැති බවද විගණන වාර්තාවේ සදහන් වේ.

 මේ පිළිබද ආපදා කළමණාකරණ මධ්‍යස්ථානය විසින් විගණනයට සදහන් කොට ඇත්තේ  සුනාමි හා සුළං තත්ත්වයන්  සදහා පුර්ව අනතුරු ඇගවිමේ ක්‍රම වේදයක් ලෙස  කුළුණු 77ක් 2009 වර්ෂයේ දි ඉදිකළ බවය. දිස්ත්‍රික්ක 14ක් තුල ස්ථාපිතකොට තිබු මෙම කුළුණු 2016 වර්ෂය වනවිට  එම කුළුණු වල ක්‍රියාකාරිත්වය  අවම මට්ටමක පැවතිම හේතුවෙන්  කුළුණු අලුත්වැඩියා කර නඩත්තු කටයුතු කිරිම සදහා  නව ගිවිසුමක් ගිවිසගෙන ඇති බව ආපදා කළමණාකරණ මධ්‍යස්ථානය විසින් විගණනයට සදහන් කොට ඇත.

 ආපාද  කළමණාකරණ මධ්‍යස්ථානය සම්බන්දයෙන් 2024 වර්ෂයට අදාළව නිකුත්කොට ඇති  විගණන වාර්තාවේ මෙම තොරතුරු ඇතුළත්ව ඇත.