විල්පත්තු ගැටලුව මඩු රක්ෂිතයටත් එයි

විල්පත්තුව ජාතික වනෝද්‍යානය ආසන්නයේ පිහිටි රක්ෂිත වනාන්තර නැවත පදිංචි කිරීම සඳහා යැයි පවසමින් සිදු කරන මහ වන විනාශයට සමගාමිව මන්නාරම මඩු පාර අභය භුමිය ආසන්යේ පිහිටි පෙරියමඩු වන රක්ෂිතයේ ද, අක්කර දහසකට ආසන්න ප්‍රමාණයක වනය කපා දමා නිවාස ඉදිකරමින් තිබේ.

මන්නාරම මඩු දේවස්ථානයේ සිට කිලෝ මීටර් 30ට ආසන්න දුරකින් සිදුවෙයි. මේ වන විට එහි ස්ථීර නිවාස දෙසීයකට ආසන්න ප්‍රමාණයක් ඉදිකර අවසන්ව ඇති අතර, තවත් නිවාස රැසක් ඉදිවෙමින් තිබෙන අයුරු දක්නට ලැබේ.

පෙරිය මඩු නැගෙනහිර රක්ෂිතයේ වසර සීයකට වැඩි දැවැන්ත පලු, වීර, බුරුත, කළුවර ඇතුළු ගස් කපා දමා වනය තුළම එම දැව ඉරා රහසේ රැගෙන ගොස් අයුරුද දැකගත හැකිවිය.