ලක්ෂ 270ක් මෝටර් රථයකින් රැගෙන ගිය සැකකරුවන් දෙන්නෙක් අල්ලයි

කොම්පඤ්ඤවීදිය පොලිස් වසමේ පාර්ක් වීදිය ප්‍රදේශයේදී කොළඹ මධ්‍යම කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් උපයාගන්නා ලද ආකාරය තහවුරු කිරීමට නොහැකි වූ රුපියල් දෙකෝටි හැත්තෑ ලක්ෂයක මුදලක් සන්තකයේ තබාගෙන කාර් රථයකින් ගමන් කරමින් සිටි  සැකකරුවන් දෙදෙනෙකු ඊයේ (21දා)  සවස අත්අඩංගුවට ගෙන කොම්පඤ්ඤවීදිය පොලිස්  ස්ථානය වෙත ඉදිරිපත් කර ඇත. 

සැකකරුවන් අවුරුදු 54 හා 59 වයස්වල පසුවන කොළඹ 13 හා කොළඹ 14 ප්‍රදේශවල පදිංචිකරුවන් වේ. සැකකරුවන් මෙම මුදල් නීති විරෝධී ආකාරයෙන් උපයාගන්නා ලද මුදල් ද යන්න සම්බන්ධයෙන් කොළඹ මධ්‍යම කොට්ඨාස අපරාධ විමර්ශන කාර්යංශය විසින් වැඩිදුර විමර්ශන සිදු කරනු ලබයි.