ලක්ෂ 12ක දේපල සොරා ගත් අයියයි මල්ලියි කොටුවෙයි

පිළියන්දල කොළඹ පාරේ ජංගම දුරකථන  හා උපාංග අළෙවි සැලැක් මෙන්ම අලුත්වැඩියා කටයුතු සිදු කරන ආයතනයක් බිද  සොරාගත් දේපල    මුහුණු පොත ඔස්සේ විකුණු  එකම පවුලේ සහෝදරයන් දෙදෙනා අත්අඩංගුවට ගත් බව ගල්කිස්ස කොට්ඨාස අපරාධ විමර්ශන අංශය පවසයි.

අත්අඩංගුවට එක් සැකකරුවෙක් බස් කොන්දොස්තරවරයෙකු බව පොලිසිය කියයි.

සැකකරුවන් සන්තකයේ තිබී හෙරොයින් මත් කුඩු මිලිග්‍රෑම් 60 ක් පොලිස් බාරයට ගෙන ඇත.

ඉකුත්  නොවැම්බර් මස  1දා සැකකරුවන් දෙදෙනා එක්ව  ජංගම දුරකථන අලෙවි ආයතනයේ බිඳ  ටැබ් යන්ත්‍ර තුනක් සහ  ජංගම දුරකථන, හා ඒවා අලුත්වැඩියා කිරීමේ උපකරණ  අමතර කොටස් තොගයක් සහිත රුපියල් ලක්ෂ 12ක්  පමණ වටිනා  දේපල සොරා ගෙන ගොස් තිබූ බව පොලිසිය කියයි.

සිදුකළ විමර්ශනවලදී සැකකරුවන් දෙදෙනා එම  දේපළ මුහුණු පොත සහ  ප්‍රසිද්ධ වෙබ් අඩවියක් ඔස්සේ  ප්‍රචාරය ලබාදී විකුණා තිබූ බව පොලිසිය කියයි.

අත්අඩංගුවට ගත් සැකකරුවන් පුනරුත්ථාපනය සඳහා යොමු  කිරීමට කටයුතු කර ඇතැයි පොලිස් නිළධාරියෙකු පැවසීය.

ගල්කිස්ස කොට්ඨාස  බාර ජේෂ්ඨ  පොලිස් අධිකාරී මංගල දෙහිදෙණිය, කොට්ඨාස අපරාධ විමර්ශන අංශයේ ස්ථානාධිපති අංශයේ ස්ථානාධිපති ප්‍රධාන පොලිස් පරීක්ෂක නිලන්ත  ගමගේ  මහතා ඇතුළු කණ්ඩායමක් පරීක්ෂණ පවත්වයි