රුසියා ජනපති පුටින් හදිසි චීන සංචාරයකට සැරසෙයි

රුසියානු ජනාධිපති ව්ලැඩිමීර් පුටින් ඉතා ඉක්මනින් චීනයේ සංචාරයකට එක්වන බව ක්‍රෙම්ලිනය නිවේදනය කර ඇත.

සංචාරය සිදුවන දිනයක් ප්‍රකාශයට පත්කර නොමැති නමුත් ක්‍රෙම්ලිනයේ ප්‍රකාශක දිමිත්‍රි පෙස්කොව් පැවසුවේ සියලු සූදානම් කිරීම් අවසන් කර ඇති බවයි.

පුටින්ගේ අවසන් චීන සංචාරය 2025 සැප්තැම්බර් මාසයේදී සිදු වූ අතර එහිදී ඔහු බීජිං හි හමුදා පෙළපාළියට සහ සමුළුවකට සහභාගී විය. මෙම සංචාරය ලබන සතියේ සිදුවිය හැකි බව රුසියානු මාධ්‍ය මීට පෙර වාර්තා කළේය.