රජයේ වෛද්‍ය නිලධාරීන්ගේ සංගමය රතු එළි දල්වයි
රෝහල් පද්ධතිය තුල වෛද්‍ය හිඟය, වෛද්‍යවරුන් අනුයුක්ත කිරීම්, ස්ථාන මාරු නිසි පරිදි කලමණාකරනයට අසමත් වීම සහ ඖෂධ අර්බූදය කළමණාකරකණයට අසමත් වීම හේතුවෙන් දිවයින පුරා රෝහල් වැසීයාමේ අනතුරක. පවතින බව රජයේ වෛද්‍ය නිලධාරින්ගේ සංගමය සදහන් කරයි.
පවතින ගැටළු අතර පශ්චාත් සීවාසික සහ දුෂ්කර සේවා ස්ථාන වල රාජකාරි කරන වෛද්‍යවරුන් හට සිදු වී ඇති අසාධාරණය සහ ගැටළු පිළිබඳව සාකච්ඡා කිරීම සඳහා හෙට (.07) වැනි දින විශේෂ සාකච්ඡාවක් රජයේ වෛද්‍ය නිලධාරීන්ගේ මුලස්ථානයේදි පැවැත්වීම.ට කටයුතු යොදා තිබේ.
එම සාකච්ඡාව සඳහා අගතියට පත් සියළු වෛද්‍යවරුන් රජයේ වෛද්‍ය නිලධාරීන්ගේ සංගමයේ මුලස්ථානයට දින කැදවා තිබෙන බවද එම සංගමය පෙන්වා දෙයි.
ඉහත ඉල්ලීම් සඳහා සාධනීය මැදිහත්වීමක් සෞඛ්‍ය අමාත්‍යංශ පාර්ශවයෙන් මේ මස .11 දින පෙ.ව 8.00 ට පෙර සිදු නොවන්නේ නම් දීප ව්‍යාප්තව වැඩවර්ජනයක් ආරම්භ කිරීමට රජයේ වෛද්‍ය නිලධාරීන්ගේ සංගමයේ මධ්‍යම කාරක සභාව ඊයේ (05) ඒකමතිකව තීරණය කර තිබේ.
ගැටලු අවම කරමින් රාජ්‍ය සේවය සහ රෝහල් පද්ධතිය තුළ රඳවා ගැනීම සඳහා ද ස්ථාන මාරු ක්‍රමවේදය කේන්ද්‍රීය කාර්යභාරයක් ඉටු කරණ බවද එම සංගමය සදහන් කරයි.
වෛද්‍ය නිලධාරීන්ගේ ස්ථාන මාරු ක්‍රමවේදය ආයතන සංග්‍රහය, රාජ්‍ය සේවා කොමිෂන් සභාවේ කාර්ය පටිපාටිගත රීති සහ සෞඛ්‍ය අමාත්‍යාංශ චක්‍රලේඛ වල කාල රාමුද සහිතව පැහැදිලිව දක්වා ඇත.
ස්ථාන මාරු කාර්යක්ෂමව සහ පාරදෘශ්‍යව ක්‍රියාත්මක කිරීමෙහිලා, ස්ථාන මාරු මණ්ඩල මැදිහත් වීමේ අවශ්‍යතාවය ද එහි දක්වා ඇති. බවත් එහෙත්, සෞඛ්‍ය අමාත්‍යාංශයේ ඇතැම් නිලධාරීන් ඕනෑකමින්ම පවතින ක්‍රමවේද නීතිවිරෝධී ලෙස උල්ලංඝනය කරමින් අත්තනෝමතික ලෙස කටයුතු කිරීම හේතුවෙන්, 23000 කට අධික ශ්‍රේණි වෛද්‍යවරුන්ගේ ස්ථාන මාරු පද්ධතිය දැවැන්ත අවුල් ජාලාවක් බවට පත් වෙමින් පවතින බවද පෙන්වා දෙයි.
2025 ශ්‍රේණි වෛද්‍යවරුන්ගේ වාර්ෂික ස්ථාන මාරු ලැයිස්තුව මාස 09 ක් ප්‍රමාද වීම
2025 ශ්‍රේණි වෛද්‍යවරුන්ගේ වාර්ෂික ස්ථාන මාරු ලැයිස්තුවේ, පුරප්පාඩු 78 ක් අත්තනෝමතික ලෙස ඉවත් කිරීම හේතුවෙන් වෛද්‍යවරුන් විශාල සංඛ්‍යාවක් අසාධාරණයට ලක් වීම
රාජ්‍ය සේවා කොමිෂන් සභාවේ නියමයන් උල්ලංඝනය කරමින් සහ ස්ථාන මාරු මණ්ඩලයේ අනුමැතියකින් තොරව පශ්චාත් සීමාවාසික වෛද්‍යවරුන් අනුයුක්ත කිරීමේ පුරප්පාඩු ලැයිස්තුවක් සකස් කිරීම
විශේෂ අභියාචනා ස්ථාන මාරු මණ්ඩල සම්බන්ධයෙන් වගකීම් පැහැර හැරීම නිසා වෛද්‍යවරුන් අසාධාරණයට ලක්වීම
වෛද්‍යවරුන්ගේ දුෂ්කර සේවා ස්ථාන ලැයිස්තුව අත්තනෝමතික ලෙස කප්පාදු කිරීම හේතුවෙන් රෝහල් 134 ක් වැසී යාමේ අවදානමක් මතු වීම
වෛද්‍යවරුන්ගේ දුෂ්කර සේවා ස්ථාන මාරු ලැයිස්තුව වසර 1 ½ වැඩි කාලයක් ප්‍රමාද කිරීම යන ගැටළු ඇති වි තිබෙන බවද එම සංගමය සදහන් කරයි
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
