රජයේ රෝහල්වලිනුත් මුදල් ගෙවා ප්‍රතිකාර ගැනීමට අවස්ථාව
මුදල් ගෙවා ප්‍රතිකාර ලබා ගැනීමට සූදානම් පිරිසක් සමාජයේ සිටින බවත් එවැනි අවස්ථාවලදී පෞද්ගලික රෝහල් වලින් අයකරනු ලබන ඉහළ ගාස්තු ගෙවීමට නොහැකි ජනතාව වෙනුවෙන් මුදල් ගෙවා රජයේ රෝහල්වල නේවාසික ප්‍රතිකාර ලබා ගැනීමට හැකි ක්‍රමවේදයක් සකස් කරන බව සෞඛ්‍ය අමාත්‍ය කෙහෙළිය රඹුක්වැල්ල මහතා පවසයි .
ඒ මහතා ඒ බව අවධාරණය කර සිටියේ රට තුළ ආහාර සුරක්ෂිතතාවය හා පෝෂණ තත්ත්වය ඉහළ නැංවීමේ ජාතික වැඩසටහනේ මංගල වැඩසටහන ඊයේ (14) මධ්‍යම පළාත් ආණ්ඩුකාර කාර්යාලයේ දී පැවති අවස්ථාවේ දී මාධ්‍ය හමුවේ අදහස් දක්වමිනි .
රජයේ සෞඛ්‍ය ක්ෂේත්‍රය සැලකීමේදී වෛද්‍යවරුන්ගේ සිට ඉන් පහළ දක්වා සියලු දෙනා ඉතා හොඳ සේවාවක් ලබාදීමට හැකි පිරිසක් බවත් මේ නිසා පෞද්ගලික රෝහල්වලට වඩා ඉහල සේවාවක් රෝගියකුට මෙහිදී ලබාගත හැකිවනු ඇති බවද ඒ මහතා අවධාරණය කළේය .
දැනට 20%ක අගයක පවතින ඖෂධ නිෂ්පාදනය 2025 දී වන විට 50% දක්වා එය ඉහළට ගෙන ඒමට බලාපොරොත්තු වන බව පැවසූ අමාත්‍යවරයා ඉදිරි වසර තුන තුළදී දේශීය වශයෙන් ඖෂධ නිෂ්පාදනය කිරීමේ වැඩපිළිවෙළ වඩාත් ශක්තිමත් කිරීමට අපේක්ෂා කරන බවද පැවසීය.
මෙම අවස්ථාවට මධ්‍යම පළාත් ආණ්ඩුකාර ලලිත් යූ. ගමගේ සෞඛ්‍ය අධ්‍යක්ෂ ජනරාල් වෛද්‍ය අසේල ගුණවර්ධන, මධ්‍යම පළාත් ප්‍රධාන ලේකම් ගාමිණි රාජරත්න යන මහත්වරුන් ඇතුළු පිරිසක් සහභාගී වූහ .
ෂේන් සෙනෙවිරත්න
popular news
-
janahitha Sunday, 16 October 2022 03:59 AM
janathavage salli valin miliyana 100 pamana geva prathkara gathatha obathuma venuven kraganna yojanavakda dan janatha salli epamana nathi nisa
Reply : 0 0
චින්තක Sunday, 16 October 2022 04:09 AM
අද ඊයේ නොවෙයි ඉස්සරත් රජයේ රෝහල් වල ගෙවීම් වාට්ටු තිබුනා නමුත් ආරක්ෂාව නැහැ කියන තත්වය යටතේ ජනතාව ඒවාට යන්න බයවුනා.එම තත්වය පුද්ගලික රෝහල් රට වටා ඇතිවීමෙන් තවත් වැඩිවුනා
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
