යුධ හමුදාවේ සෙසු නිලයන් 9,158ට උසස්වීම්

අදට (04) යෙදෙන ශ්‍රී ලංකාවේ 78 වන ජාතික නිදහස් දින සැමරුමට සමගාමීව, ශ්‍රී ලංකා යුද්ධ හමුදාවේ නිත්‍ය සහ ස්වේච්ඡා බලසේනාවන්හි සේවයේ නියුතු සෙසු නිලයන් 9,158 දෙනෙකු ඔවුන්ගේ ඊළඟ නිලයන් දක්වා උසස් කිරීමට පියවර ගෙන තිබේ.

ඒ අනුව, නිත්‍ය සහ ස්වේච්ඡා බලසේනාවන්හි සේවයේ නියුතු සෙසු නිලයන් අතරින් බළලත් නිලධාරී II නිලයේ සිට බළලත් නිලධාරී I නිලය දක්වා 260 දෙනෙකු ද, මාණ්ඩලික සැරයන් නිලයේ සිට බළලත් නිලධාරී II දක්වා 1,211 දෙනෙකු ද, සැරයන් නිලයේ සිට මාණ්ඩලික සැරයන් දක්වා 1,704 දෙනෙකු ද උසස් කර ඇත.

එමෙන්ම, කෝප්‍රල් නිලයේ සිට සැරයන් දක්වා 2,339 දෙනෙකු ද, ලාන්ස් කෝප්‍රල් නිලයේ සිට කෝප්‍රල් දක්වා 2,204 දෙනෙකු ද, සාමාන්‍ය සෙබළ නිලයේ සිට ලාන්ස් කෝප්‍රල් දක්වා 1,440 දෙනෙකු ද උසස්වීම් ලබා ඇති බව ශ්‍රී ලංකා යුද්ධ හමුදාව නිවේදනය කරයි.