යල කන්නයේ වී නිෂ්පාදනය සියයට 11කින් වැඩිවෙලා

 මෙරට වී නිෂ්පාදනය  පසුගිය යල කන්නයේ දි වී මෙට්‍රික්ටොන්  මිලියන  2.2ක් දක්වා සියයට 11.7කින් වැඩිවි ඇති බැව්  අයවැය, ආර්ථික සහ  මුල්‍ය තත්ත්වය පිළිබද වාර්තාවේ සදහන් වේ.

මෙම කන්නය තුල ප්‍රමාණවත් ජල සැපයුමක්  පැවතිම, හේතුවෙන් වගාකරණු ලැබු බිම් ප්‍රමාණය වැඩිවිම නිසා 2024 යල කන්නයට සාපේක්ෂව 2025 වර්ෂයේ යල කන්නයේ දි වි  නිෂ්පාදනය වැඩිවි ඇති බවද මෙම වාර්තාවේ සදහන් වේ.

කෙසේවුවද 2024/2025 මහ කන්නයේ වි නිෂ්පාදනය  මෙට්‍රික්ටොන් මිලියන 2.62ක් වු අතර  එය 2023/2024 මහ කන්නයේ වී අස්වැන්නට සාපේක්ෂව  සියයට 3.8ක පහත වැටිමකි. ගංවතුර හේතුවෙන් වී වගාවට හානිවිම, රෝග හා පළිබෝධ ආක්‍රමණ,  වි නිෂ්පාදනය පහත වැටිමට  හේතුවි තිබුණි.