යතුරුපැදි 30ක් වෙනුවෙන් නිදහස් ආදායම් බලපත්‍ර

දකුණු පළාත්  පළාත් පාලන කොමසාරිස් නමින් ලියාපදිංචි යතුරුපැදි 30ක්  වෙනුවෙන් අවස්ථා  කිහිපයකදි  නිදහස් ආදායම් බලපත්‍ර  ලබාදිම සම්බන්දයෙන්  විශේෂ විමර්ශනයක් කිරිමට අවශ්‍ය ක්‍රියාමාර්ගගත යුතු බවට විගණනය මගින් නිර්දේශකොට ඇත.

නිත්‍යානුකුලව  මෙකි යතුරුපැදිවල භෞතික පැවැත්ම තහවුරුකරගැනිමට නොහැකිවි ඇති බවද විගණන වාර්තාවේ සදහන් වේ. ආදායම් බලපත්‍ර ලබාගැනිමේ දි  දෙපාර්තමේන්තු ප්‍රධානියාගේ හෝ  ප්‍රා දේශිය අධිකාරියේ අත්සන සහිතව  අදාළ ආකෘතිය මෝටර්රථ  ප්‍රවාහන දෙපාර්තමේන්තුව වෙත ඉදිරිපත් කොට ගාස්තු නිදහස්කරගැනිම කළයුතුය. එහෙත් මෙම යතුරුපැදිවල අයිතිය සහ  භෞතික පැවැත්ම  පිළිබද තහවුරුකරගැනිමකින් තොරව  නිදහස් ආදායම් බලපත්‍ර ලබාගත්තේ කෙසේද යන්න පිළිබදව  විගණනයේ දි තහවුරු වි නොතිබුණි.

මෙකි යතුරුපැදි 2011 සහ 2012 යන  වර්ෂයන්හි  පළාත් පාලන ආයතනවල හිටපු  මහජන නියෝජිතයින් සදහා  ලබාදුන් යතුරුපැදි බවට අනාවරණය වි ඇති බව දකුණු පළාත් සභාව විසින් විගණනයට සදහන් කොට ඇත. පළාත් පාලන ආයතනවල මහජන නියෝජිතයින් සදහා මෙම යතුරුපැදි ලබාදිම දකුණු පළාත් ප්‍රධාන අමාත්‍යංශය විසින් සිදුකොට ඇති බවද  පළාත් සභාවේ ගණන්දිමේ නිලධාරිවරයා විගණනයට සදහන් කොට ඇත.

යතුරුපැදිවල වාරික මුදල් අයකිරිම අදාළ පළාත් පාලනආයතන මගින් සිදුකොට ඇති බවත්  යතුරුපැදි ලබාදුන් නාම ලේඛනය ලැබි ඇති අතර  එම නාම ලේඛනයට අනුව මෙම යතුරුපැදිවල ලියාපදිංචිය  2011 සහ 2012 යන වර්ෂයන්වල  බවද දකුණු පළාත් සභාවේ ප්‍රධාන ගණන්දිමේ නිලධාරිවරයා විගණනයට සදහන් කොට  ඇත.