මංගල ගමන අවමගුලකින් කෙරවල වෙයි

මන්නාරම ප්‍රධාන පාලම මතදී පෙරේදා (24දා) ත්‍රී රෝද රථයක් සහ ජිප් රථයක් ගැටීමෙන් එක්අයෙකු මිය ගොස් තවත් 05 දෙනෙකු බරපතල තුවාල ලැබූ බවට මන්නාරම පොලීසිය පවසයි.

වව්නියාවේ සිට මන්නාරමට ධාවනය වූ ත්‍රී රෝද රථයක් සහ මන්නාරම සිට තල්ලඩි දෙසට ධාවනය වූ මහෙන්ද්‍ර වර්ගයේ ජිප් රථයක් මුහුණට මුහුණ ගැටීමෙන් මෙම අනතුර සිදුව ඇතැයි අනාවරණය වෙයි.

මන්නාරමේ පැවති මංගල උත්සවයක් සඳහා එකම පවුලේ 5 දෙනෙකු මෙලෙස ත්‍රී රෝද රථයකින් පැමිණ ඇති අවස්ථාවේදී මෙම අනතුර සිදුව ඇති අතර එහිදී ත්‍රී රෝද රථයේ රියදුරු එම ස්ථානයේදීම මිය ගොස් ඇත.

අනතුරින් බරපතල තුවාල ලැබූ මව පියා සහ අවුරුදු 4,6,9 යනවයස්වල ඔවුන්ගේ දරුවන් තිදෙනාද මන්නාරම රෝහලට ඇතුලත් කරනු ලැබීය.

ජිප් රථයේ රියදුරුගේ අධික වේගය මෙම අනතුරුට හේතුව බව සැකපල කරන අතර අනතුර සමබන්ධයෙන් මන්නාරම් පොලීසිය වැඩිදුර පරික්ෂණ සිදුකරයි.