බන්ධනාගාර නිලධාරීන් සියයට 77කට සහ නිලධාරිණියන් සියයට 56කට ශාරිරික දුබලතා

බන්ධනාගාර දෙපාර්තමේන්තුවේ  පිරිමි නිලධාරින්ගෙන් සියයට 77කට සහ කාන්තා නිලධාරිණියන්ගෙන්  සියයට 56කට  ශාරිරික දුබලතා පවතින බව  බෝනොවන රෝග ව්‍යාප්තිය  සම්බන්දව පැවති  වෛද්‍ය සායනයේ දි  අනාවරණය වි ඇති බැව් බන්ධනාගාර දෙපාර්තමෙන්තුව සම්බන්දයෙන් 2025  වර්ෂයට අදාළව නිකුත්කොට ඇති  කාර්යසාධන වාර්තාවට ඇතුලත්ව ඇති විගණන වාර්තාවේ සදහන් වේ.

මෙය තිරණාත්මක අවධානම් තත්ත්වයක් බවද විගණන වාර්තාවේ සදහන් වේ. බන්ධනාගාර  පිරිමි නිලධාරින්ගෙන් සියයට 29ක් පමණ දුම්පානය සිදුකරණ අතර  සියයට 26ක් බුලත්විට පරිභෝජනය කරණ  බවද මෙම වාර්තාවේ සදහන් වේ. කාන්තා නිලධාරිණියන්ගෙන් සියයට 05ක් බුලත්විට පරිභෝජනය කරණු ලබන අතර  පිරිමි බන්ධනාගාර නිලධාරින් අතර  මත්පැන් පානය කිරිම ඉතා ඉහළ  ව්‍යාප්තියක්  දැකිය හැකි බවද විගණන වාර්තාවේ සදහන් වේ. මෙම හැසිරිම හේතුවෙන්  විශේෂයෙන් හෘදරෝග  පරිවෘත්තිය රෝග, සහ මුඛ පිළිකා වැනි රෝග ඇතිවිමේ අවධානමක් පැවති බවද අනාවරණය වි ඇත.

 පිරිමි බන්ධනාගාර නිලධාරින්ගෙන්  සියයට 28කට අධිරුධිර පිඩිනය   පවතින අතර එය කාන්තා නිලධාරිණියන්ගෙන්  සියයට 16කි.පිරිමි බන්ධනාගාර නිලධාරින්ගෙන් සහ කාන්තා නිලධාරිණියන්ගෙන්  සියයට 14 ක් දියවැඩියාව රෝගි තත්ත්වයෙන්  පෙලෙන බවද මෙම වාර්තාවේ සදහන් වේ.පිරිමි බන්ධනාගාර නිලධාරින්ගෙන් සියයට 13කට කොලෙස්ටරොල් පවතින අතර  ඇතැම් පිරිසක වකුගඩු අකර්මණ්‍යතාවක් පෙන්නුම් කරණ බවද මෙම වාර්තාවේ සදහන් වේ. 

බන්ධනාගාර දෙපාර්තමේන්තුවේ නිලධාරින්ගේ සෞඛ්‍ය තත්ත්වය ඉහළ නැංවිමේ අරමුණින්  ඉකුත් වර්ෂයේ අගෝස්තු මස 12 හා 13 යන දිනයන්වල බෝනොවන රෝග ව්‍යාප්තිය සම්බන්දයෙන් මෙම වෛද්‍ය සායන පවත්වා තිබුණි.