බදුල්ලේ සිට නානුඔයට මසක් ඇතුළත දුම්රිය

දිට්වා සුළි කුණාටුවෙන් උඩරට දුම්රිය මාර්ගයේ නායයෑමට ලක් වූ දුම්රිය මාර්ගයන් යලි යථා තත්වයට පත් කිරිමේ කටයුතු මේ දිනවල සිදු කරමින් පවතින බවත්, දැනට අඹේවෙළ සහ බදුල්ල දුම්රිය ස්ථාන දෙක අතර ධාවනය වන සියලුම දුම්රියන් මාසයක් වැනි කාලයක් තුල නානුඔය දුම්රිය ස්ථානය දක්වා ධාවනය කිරිම අවශ්‍ය කටයුතු මෙ වන විට සිදු කරමින් පවතින බව නානුඔය දුම්රිය ස්,ානයේ විධායක ඉංජිනේරුවරයා පැවසීය.

ජනාධිපති අනුරකුමාර දිසානායක මහතාගේ ප්‍රධානත්වයෙන් පසුගිය (13) දින නුවරඑලිය දිස්ත්‍රික් ලේකම් කාර්යාලයේ ආශ්චර්ය ශාලාවේදි පැවති නුවරඑලිය දිස්ත්‍රික් විශේෂ සංවර්ධන කමිටු රැස්විමේදි විධායක ඉංජිනේරුවරයා ඒ බව පැවසීය.

මෙහිදි වැඩි දුරටත් අදහස් දැක්වූ දුම්රිය විධායක ඉංජිනේරුවරයා කියා සිටියේ, නානුඔය සහ අඹේවෙළ දුම්රිය ස්ථාන අතර, නාය ගිය ස්ථානයක් සම්පූර්ණයෙන්ම යථා තත්වයට පත් කර ඇති බවත්, ජාතික ගොඩනැගිලි පර්යේෂනායතනයේද සහයෝගය ඇතිව එම දුම්රිය ස්ථාන දෙක අතර නාය ගිය තවත් ස්ථාන කිහිපයක් යථා තත්වයට පත් කිරිමට අවශ්‍ය කොන්ත්‍රාත්තුව ලබා දී ඇති බවයි.