බංග්ලාදේශයේ වැස්ස නිසා 51ක්

මෑත දිනවල බංග්ලාදේශයේ ඇති වූ අධික වර්ෂාපතනයෙන් අවම වශයෙන් පුද්ගලයින් 51 දෙනෙකු මිය ගොස් ඇති අතර මිලියනයකට අධික පිරිසක් පීඩාවට පත්ව ඇත.ඩකා අගනුවර ඇතුළු රටේ විවිධ ප්‍රදේශවලට බලපෑ හදිසි ගංවතුර සහ නායයෑම් හේතුවෙන් දහස් ගණනකට නිවාස අහිමි වී ඇත.

මේ දක්වා සිදු වූ මරණවලින් අඩකට වඩා සිදුවී ඇත්තේ විශාල රෝහින්ග්‍යා සරණාගත ජනගහනයක් වෙසෙන කොක්ස්  බසාර් හි ය. පසුගිය සතියේ එම දිස්ත්‍රික්කයේ පාසල් හරහා ගංවතුර ගලා යාමෙන් සිසුන් කිහිප දෙනෙකු සහ ගුරුවරයෙකු මිය ගියහ.

බංග්ලාදේශය බොහෝ ගංගා ඇති පහත් බිම් රටක් වන අතර එහි වාර්ෂික මෝසම් සමයේදී බොහෝ විට අධික වර්ෂාව 
සහ ගංවතුර දක්නට ලැබේ. නමුත් දේශගුණික විපර්යාස හේතුවෙන් වර්ෂාපතනය වඩාත් තීව්‍ර හා නිතර සිදුවන බව
 විශේෂඥයින් අනතුරු අඟවයි.

අධික වර්ෂාව සතියකට පෙර ආරම්භ වූ අතර මෑත දිනවල එය තීව්‍ර වූ විට, බලධාරීන් ගංවතුර සහ නායයෑම් පිළිබඳ අනතුරු ඇඟවීම් නිකුත් කළ අතර, අධි අවදානම් ප්‍රදේශවල පවුල් ඉවත් කළ අතර, ශිෂ්‍ය විභාග කල් දැමීය.

දැන් දහස් ගණනක් ජනතාව රජයේ නවාතැන් වල ජීවත් වෙති. ඉරිදා වන විට, වර්ෂාවෙන් මිලියනයකට අධික පිරිසක් පීඩාවට පත්ව ඇති බව බලධාරීන් පවසයි.

මේ දක්වා වාර්තා වී ඇති මරණ 51 න් 28 ක් කොක්ස් බසාර් හි සිදුවී ඇත. ලොව විශාලතම සරණාගත ජනාවාසය වන මෙම දිස්ත්‍රික්කය මිලියනයකට අධික රෝහින්ග්‍යා වැසියන්ගේ නිවහන වේ.